"شرق هم العتاب اللي بهجرك كّح
بعد .. ماميّل الميزان ترجيحه

أنا كف الكريم اللي تخاف الشّح
ولا ترضى تكون بيوم تلويحه

أعلمّك الصواب ولا تعرف الصحّ
ترا ذنب الخطأ مرّات تصحيحه !

ياكم من طعنة لسانك شهقت الـ أح
ولا تقطع حبال الصمت تجريحه

يقول العقل في وقت الملاقى بِح
قبل لا يقبل الشوف فـ مصابيحه

تجي مثل الخلاص ليا سبقها لَحّ
وأجي مثل الكلام اللي مع الصيحه

يقول لسانك إبقى بس فعلك رح !
ولا يخفى عزيز النفس تلميحه

سحبته لين قلت فـ بير جرحك طح
بعد ماضيّع كفوفه مع الطيحه".