مساء الخير ،، مشاركة اولى ..
يشيـب الـوقت و بطون الليالي مابعد جابت
صباح(ن) يبهج الذهن الكئيب ويطلق عنانه
انـا والتبـغ و الشمعة علـى رف الـوعـد ذابت
يطيـح الجفن مـن كـد الارق و الروح سهرانه
على من لا حضر يزهم هجوسٍ فيه ماخابت
يهز الشعر من غصن القريحة يقطف الحانه
قـــديـم مـن الجروح الـي نـداويـها ولا طابت
تلاشت من هــدب عينٍ تِسَلهِم نصف خدرانه
عليها مفـردات الحــسنِ من توصيـفها هابت
فــريـدة فــاتـنة قـمـة خــذت بـلحـالـهـا خانه
يا أول ذنب في صحف المشاعر بعد ماتابت
يا اخـر قصـة الجـرح الـقديم وباقـي احزانه
يشـيب القــاف وخيول المعاني مابعد شابت
تصاهل بين شطـرين القصيد وتـدحم اوزانه
مضريها عـلى خوض البحور ولا قـد ارتابت
تَنَطَــح عـالي امواجه ثـقــة وتجـيب لك دانه
واحد نفر