"Open minded" مصطلح جميل صح؟
بس المعنى مو جميل أبدًا
وش معنى انك تكون Open minded؟

يعني انك تشوف الشي الي مفروض ان فطرتك تنكره شي عادي وما تستغربه،، ويكون الموضوع عندك مجرد اختلاف وجهات النظر!!

يعني ان عيونك تشوف الوضع بشكل طبيعي ونفسك ما تعيفه!!

يعني يصير عندك تقبل للفكرة لدرجة انه ما عندك مانع اذا في يوم من الايام غيرت وجهة نظرك وتبنيتها او إذا أحد من أهلك سلك مسلكهم !!

كل إنسان مفروض يحترم،، الا المجاهيرين هم بنفسهم تنازلوا عن ذا الحق،، تدري ليه؟

لأن االه أنعم على الإنسان بنعمة لو تفكر فيها ماراح يتوقف لسانه عن الحمد عليها (الستر) نعمة أنعمها الله على الإنسان،،

كلنا لنا جانب مظلم،، وكلنا عندنا ذنوب وزلات،، لكن الله بنعمة الستر سترها ستر سيئ أفكارنا ووساوس أنفسنا وقبائح أعمالنا عشان يساعدنا نتقبل بعض ونتعايش،، بل وأكثر من كذا نحترم بعض ونحب بعض

ولكن الي رفس نعمة الستر برجلينه لا يستحق الاحترام ،، ما يستحق انك تدنس فطرتك وتتقبله..

(كل أمتي معافى إلا المجاهرين)
اللهم عافنا وأتم علينا سترك ..