من يوم شِفْتَك قلت ما اصعب مراسه

وَانا ادري إني فيك بالحيل مُغرم


ما تنفع العاشق لاشك الفراسة

ما دام قلبه فيك أصبح مُتيم


حبيتها والحُب .. يا قو باسه

والحُب بحره بعض الاحيان مُظلم


جيته وانا قصدي .. أدوّر وناسة

صغير طايش .. قلتْ خلْ اتعلم


بلحظة عرفت الحُب ساسه وراسه

وادركت إني طحت في كف مجرم


ما شفت أنا من الحب غير التعاسة

وجرحٍ بوسط القلب ما هو بيرحم


حتى كرهت الحب أهله وناسه

يا ليتنا من حُبنا بس نسلم


هذا زمان اهل المكر والخساسه

والعاشق المُغرم ما غير يتحلطم




سُهيل