مدري كيف عدت ليلة أمس،، ولكنها عدت على كل حال والحمد لله ..

كان عندي محاضرة وشوي أسمع صراخ وبكي وأمي جات تقول تعالي الحقي ولد أخوك مختنق ،، الولد شرق لأنه كان يبكي وأمه مصرة تعطيه العلاج

كنت باموت وانا أشوفه مو قادر يتنفس ولونه بدأ يتغير وأمي تبكي وزوجة أخوي بعد تصارخ،، كنت أحاول أسعفه باللي أعرفه ويدقون على أخوي ما يرد

وبعد ما أكلت فجيعة تكفيني لمية سنة قدام بكى الولد أخيرا وتنفس الحمد لله

طبعا أخوي تهزأ تهزيئة محترمة ليش ما يرد،، والصدق ان موقفه كان صعب،، قال وقتها كان عنده حالة إسعافية في الطوارئ مرة حامل في الشهر التاسع وللأسف توفت الله يرحمها لكن الطفلة عاشت،، قالت له مرته وولدك يموت عادي؟!
قال أنا أأدي الأمانة الي علي وربي بيحفظ عيالي إنشاء الله

لو جينا للمنطق كلام أخوي منطقي،، لكن الأم اذا تعلق الأمر بطفلها ما تعرف المنطق وما عندها مانع لو تفدى ولدها بالناس كلهم ..