06-12-22, 06:21 AM
|
#1144 |
| | | | | | | | | | | | | | | | | | الهوايه » القراءة بشكل عام وكتابة بعض الخواطر | | | | | | | | 
عشر أيام هتطلع على وش الدنيا
ولا كنوز الدنيا هتعوض ساعة واحدة فيها
10 أيام وسيئاتك تتقلب حسنات وتنافس الصالحين والصالحات على حوض النبي صلّ الله عليه وسلم
عشر ذي الحجة عقد عمل متكامل فيه أرباح
ربنا بيشتري منك نفسك ومالك ووقتك وبيعطيك المغفرة والجنة
وعلى فكرة نفسك ووقتك ومالك كل ده أصلاً ملك لله
شوفت ربنا كريم معاك ازاي سبحانه ما أكرمه
عشر ذي الحجة تغيير ما بعد رمضان
اللي تحت التراب دلوقتي منهم اللي يتمنى لو يرجع ويعمل صالحًا
أنت في إيدك الفرصة لسه
عشر ذي الحجة عقد عمل يا ترى إيه بنوده ؟
▪️بنوده الصيام، والصلاة، والذكر، والصدقة، ومساعدة الفقراء والمساكين
▪️ من بنود العقد كمان حاجة مهمة أوي الدعاء
الدعاء ده مفتاح كل خير .. الدعاء صاحبي في الحياة
اوعى تكون من اللي اتحرم يقول يا رب
▪️من بنود العقد قيام الليل
لازم تعيش عبادة القرب من الله بالعبادات
طيب إيه الأرباح ؟
أرباح رهيبة إنك تبقى إنسان عابد لله
جربتي تمسكي مصحف وتقفي بين إيدين ربنا ؟
طيب تعالي واستمتعي بيها في عشر ذي الحجة
فيه ناس بتقوم الليل لاحتساب الأجر
وفيه ناس بتقوم ملهوفة على قيام الليل لمناجاة الله والقرب منه
والأجمل الإثنين معًا
وخلي بالك مَن أكثر مِن الذكر فقد سبق المفردون (الذاكرين الله كثيرًا والذاكرات)
بالذكر بتبني قصور في الجنة
ومن الذكر قراءة القرآن، بل هو أفضله
مواسم الطاعات دي طوق نجاة ليك
كلم الناس من اليوم وعرفهم إيه هي أيام العشر وفضلها
استعدي للأيام دي واسمعي قبلها دروس عن عشر ذي الحجة
اشحن قلبك عن عشر ذي الحجة واستعد
فإذا دخلت العشر فانطلق
وخلي شعارك ولدت يوم عرفة
الـحج_أشـهـر_مـعلومــات
مجالس الصالحين📚 |
|
|
 |