وانا بقرأ الطرح افتكرت قصة مشهورة
لفنان ايطالي كان بيعرض ليه
عمل فني في معرض لوحات امريكي

اللوحة كانت عبارة عن موزة فعليا من اللي هي بتتاكل
مش مرسومة ولا حاجة... ومتثبة بلاصق في الحيطة ...

الموزة دي اتباع منها نموذجين ..
النموذج الواحد سعره 120 الف دولار ...

واثناء عرض النموذج في المعرض دخل فنان تاني
كان حابب يستهزأ بالموضوع وكدا
ودخل اكل الموزة وسط صدمة الناس اللي كانوا
عمالين يصوروا العمل الفني ده .. وماكنوش قليلين علي فكرة ..

ومديرة المعرض جات وكان هيستدعو الشرطة
ويقاضوه .. وكان ممكن يتسجن فعلا مدة طويلة ..
وحوار طويل كدا ...
واتصلوا بالفنان صاحب العمل عشان يستشيروه يعلموا ايه
بعد الكارثة دي ... واذن ليهم انهم يشتروا موزة من السوق
ويحطوها مكانها في اللوحة... عشان يستمر عرض اللوحة ..

ودي قصة حقيقة فعلا .. ومعروفة عامة ..
ومن حوالي سنتين او تلاتة ..

هي الفكرة كلها بعيدا عن ان الموضوع يكون غسيل اموال
او سطحية البعض او غيره ....وده وارد في بعض الحالات النادرة ..

لأن مش كل المهتمين بالفن لاما ساذجين او بتوع غسيل اموال
ده مجتمع كبير وليه مهتمين كتير علي مستوي العالم ..

هي فكرة بسيطة

وهي ان الفن في عين الرائي ..
زي ما ممتهنين الفن بيقولوا

وانت عينك ليها تشوف التراب جنة
والسماء الغام ... انت حر ..

الفكرة

ان العالم ده فيه حوالي 7 مليار شخص
غير متساويين في الفرص والحياة ..
وتتعدد ظروفنا وادياننا وحالتنا الاجتماعية وثقافتنا وتقاليدنا واعتقادتنا ..
واوضاعنا بتختلف طبقا لمراحل عمرنا المختلفة ..
لدرجة ان في ديانة اسمها ديانة الوحش السباغيتي الطائر
مش فاكر مقرها المانيا ولا سويسرا ولا اي ..
ومكتوبة في الباسبور بتاعهم عادي..

بالتالي الموضوع اكبر من فكرة السطحية او الجريمة او المادية
الموضوع ليه ديول عميقة في المجتمعات
وخاصة المجتمعات المتطورة ..
كله تحت مسمي حرية الفكرة والابداع ..
اعتقد الموضوع يحتاج قاعدة اكبر للنقاش


طرح شيق وجميل
كل التقدير ..