دخلت وفي بالي أكتب شي،، ونسيت ايش هو

إلا على طاري النسيان،، عارفين ايش أسوأ نصيحة ممكن
تتلقاها إذا شكيت من شي صار في الماضي ومضايقك؟؟
أيوة بالضبط هي نفسها أكثر النصائح انتشارًا وأسهلها على اللسان (انسى)

طيب عارفين ايش لازم نسوي مع الي يقولك انسى؟
لا مش عارفين،، اجلسوا أنا بعلمكم

الي يقولك انسى اذبحه ثم قطعه وبعدها افرمه وحطه في كيس أسود وارميه لقطاوة الحارة منها تكسب فيهم أجر ومنها تخفف على الكوكب الكثافة السكانية

لهالدرجة هالنصيحة مؤذية؟ اي نعم لهالدرجة ..

بالنسبة لي أحسها حتى غير منطقية،، كيف الواحد يقدر ينسى حدث خذا من عمره يمكن أيام وشهور أو حتى سنين!! كيف ينسى شي عاشه بوجدانه ومشاعره ولا تدري عن الندوب الي خلفها في روحه؟؟

والأهم الأهم الأهم ،، إن هالحدث غير فيه كثير،، علمه درس،، وأغلا الدروس أثمان هي دروس الحياة

ويجي يقولك انسى؟ لا مصيبة لو أنسى ويضيع مع النسيان حتى الدرس الي تعلمته

طيب وش أسوي؟أجلس أسير هالحدث وأجلس طول عمري أبكي وأولول؟

لا طبعا،، في مصطلح جميل أنا أحبه جدا وأحترمه جدا وأعتبره منطقي ومو مثل النسيان ألا وهو (التجاوز)

تذكر الحدث بتفاصيله بالعبرة الي أخذتها منه،، ولكن في نفس الوقت تتجاوز المشاعر السلبية،، يعني يبقى في ذاكرتك كقصة قرأتها لتستفيد منه وتاخذ منها عبرة