من الاشياء اللي جربتها لتساقط الشعر والنتيجه كانت 95%

وصار شعري باروكه لاقوة الا بالله وباليوم تتساقط ممكن 15 الى 20 شعره فقط

هو تعزيز حمض المعده .. ممكن تستغربون شنو العلاقه

اعضاء المنتدى القديم يعرفون انو انا من عشاق الطب البديل وعندي تجارب كثيره

وعمدي معلومات لابأس بها عن المعادن وعلاقتها بالصحه العامه

المهم :

حمض المعده هو بوابة الصحه للجسم عموما

ونقصه يسبب مشاكل كثيره جدا جدا ومن اهمها تساقط الشعر

عموما الحمض مكون من معدني الصوديوم والبوتاسيوم ومعادن ثانيه بس هذي اهمهم

طبعا الصوديوم والبوتاسيوم داخلين في اغلب اعضاء الجسم

لذلك لازم نأكل اطعمه غنيه بهذي العنصرين وبختصرها لكم بأشياء بسيطه

اهمها واسرع مفعول هو شرب ماء جوز الهند صباحا قبل الافطار بنصف ساعه

بعدها الخل والملح البحري مفعولهم سريع وتوضع مع السلطه

بس شغله مهمه لااازم تتبعونها السلطه تؤكل قبل الاكل وليس بعده

وكمان من مصادر البوتاسيوم : التمر والبطاطس والموز

من مصادر الصوديوم : الطماطم والخل والملح

ومصادر كثيره بس هذي اهمها ومن اكلنا اليومي

نرجع للشعر وكثافته .. بعد ماترفعون حمض المعده اي شي تأكونه بيستفيد الجسم منو بشكل مضاعف

لذلك شربت العصير الاخضر وهو غني وقنبلة حديد

يتكون من كل شي اخضر بالثلاجه

سبانخ .. خس .. خيار .. بقدونس .. كزبره .. نعناع + فنجان عصير كركم وربع ليمونه

خذوها قاعده الى الابد (( تساقط الشعر = حمض معده منعدم ))

ارفعوا الحمض وخلاص اكلوا اكل متوازن وانتهى الموضوع ..


•••


لكن اذا ارتفع الصوديوم والبوتاسيوم عن المعدل الطبيعي يسبب خلل بالجسم

مثل الارق والتشتت وارتفاع الضغط وغيره

فالافضل ثلاث مرات بالاسبوع ان شاء الله ماتضر


•••

شيبسات وعصاير مصنعه اقطعوها لانها مليئه بالصوديوم والبوتاسيوم المضر

يعني ماينفع ترفعوا نافع ومضر بنفس الوقت


وسلامتكم