قاتل الشوق روحي لا تجدّ الرحيل
وانت بالعمر ليلة ... ما تكفي غلاك
أتخيل عناها ... وادرك اني عليل
وأتعلل ... على صبرٍ يمده حراك
وش يخليك تبطي يا الطرق الطويل
المعاليق من صدري تقطّع علاك
تاق قلبي على المسرى وضاع الدليل
وضاع في غيم ليلك ما بقى من ضياك
واستحالت دروب الوصل في نحر سيل
وابتلاني غيابك .... بين هذا .. وذاك
بين قلّ الرجا وإحساس بالمستحيل
كلّ ما ضاق صدري قلت يمكن عساك
أشهد ان المواصل عدل .. والبعد ميل
لو بغيت العدالة .... خل ظلمك وراك
...
سالم العامري