منتديات مسك الغلا | al2la.com - عرض مشاركة واحدة

**عطاء دائم** · 07-01-22, 07:11 AM

طريق_السعداء
الدرس رقم 19

لا_للكراهيه........... وعليك_بالرحمه

انت سعيد فى حياتك .. ‼️
طيب بتدعى تعيش سعيد ..‼️

مازلنا فى مجموعة .. موانع السعادة
– قلنا لا للقلق –...... لاللغضب ..
اليوم ... لا للكراهية ..

واحنا بنتحرك فى الحياة لازم نحتك ببعض ولازم حنختلف مع بعض .. الخلاف لامفر منه
- الحياة اصلاً قائمة على الاختلاف – صيف شتاء – حر وبرد – نهار وليل
لكن السؤال
ممكن لما نختلف مع حد لانحرجه ولانهينه ولانخسره⁉️⁉️
- فى الكون .. قال تعالى
{ ألم تر أن الله أنزل من السماء ماء فأخرجنا به ثمرات مختلفا ألوانها ومن الجبال جدد بيض وحمر مختلف ألوانها وغرابيب سود ومن الناس والدواب والأنعام مختلف ألوانه ... }

وقد قال الله تعالى } ومن آياته خلق السموات والارض واختلاف السنتكم والوانكم إن فى ذلك لآيات للعالمين {

يعنى الاختلاف مش حاجه خطأ ولا مرفوضة
... .. لكن الخطأ لما الاختلاف بينا يتحول لخناقة وسب وشتائم وكراهية وحقد

يااحبه .. احنا ليه مابنعرفش نختلف ونفضل صحاب – احباب ⁉️
ليه بنختلف ونجرح بعض ونأذى بعض ونشهر ببعض ونشتم بعض ..⁉️

بداية من الاسرة ... القدرة على التفاهم بين الزوجين لواختلفنا وازاى لما غاب التفاهم
ظهرت التعاسة وضاع الحب وزاد الطلاق والمشاكل الزوجية .

القدرة على التفاهم بين الاباء والابناء " الشباب " وازاى لما غاب التفاهم
ظهرت الانحرافات الفكرية والسلوكية على الشباب من مخدرات او العنف .

المجتمع ... وتتهد شركات ومؤسسات يوم ما يموت الاب لان ولاده اتخانقوا ...
تسمع فى استراليا عن شركات يتوارثها الشركة الجيل السابع من الابناء ..
وتسمع النبى يحدثك على عائلة ابراهيم علية السلام حتى يوسف علية لسلام فيقول ((الكريم بن الكريم ابن الكريم ابن الكريم يوسف علية السلام 4اجيال .. ..

مروراً بين المسلمين انفسهم ...شوفوا لو اختلفنا دينياً بنعمل ايه فى بعض ‼️
وازى شتم وكراهية والقتل والدماء كما ترون

موضوع درس اليوم للسعادة .. اختلف برحمة تسعد ..
لواختلفت برحمة .. سعة افق & ادب حوار & حب الناس & ثقة فى النفس & سلام نفسى & سعادة ..

طب والعكس .. الانغلاق & ضيق افق & كراهية وضيق نفسى & غل & حقد & تعاسة ..
عايش صراع مع كل من تختلف معه حتى جوه بيتك .

طيب الناس لما بتلاقي المختلفين عنهم بيعملوا معاهم ايه‼️

1- اما عدم رغبة فى التعامل مع المختلفين او خوف من التعامل معهم او انعزا ... فيه ناس تقفل على نفسها حتى اقاربها لاتزورهم وينعزل وينعزل ... هذة تعاسة

2- او يطالب الاخرين او يضغط عليهم انهم يكونوا زيه وزى افكارة وزى طريقته فى الحياة وهذة تعاسة اشد من الاولى

3- او يدخل فى صراع مع الاخر وهذه اتعس واتعس .

حتتعامل ازاى مع المختلفين عنك :ده هانعرفه ان شاء الله الحلقة القادمة بإذن الله