07-04-22, 07:29 AM
|
#30 |
| | | | | | | | | | | | | | | | | | الهوايه » القراءة بشكل عام وكتابة بعض الخواطر | | | | | | | | 
طريق_السعداء
الدرس رقم 26
تابع .. لا_للذل
وخلي_عندك_عزة_نفس
تكلمنا امس على ان موانع السعادة التي يجب ان تتجنبها الذل واهانة النفس
واعطيت لكم مثال على تعامل النبي صلى الله عليه وسلم الراقي وعدم اهانة الغير وسناخذ مثال اخر
ركزوا معي‼️
النبي –صلى الله عليه وسلم- شاهد شخص لازم يتعاقب لأنه عمل جرم لكن مش هيهينه
في شخص من بني حنيفة.. بني حنيفة كانوا أعداء للنبي صلى الله عليه وسلم واحد إسمه ثمامة بن أثال،
ثمامة اكثر من مرة أغار على مجموعة من الصحابة.. وقتل واحد منهم
فالنبي –صلى الله عليه وسلم- كان في مجموعة من الصحابة في غزوة من الغزوات أسروا ثمامة،
فأتى به النبي –صلى الله عليه وسلم- إلى المدِيّنة فأمر أن يحبس وحده بس مش في سجن إنفرادي لأن فيها إذلال،
طيب حبسه فين؟ ‼️
قعده لوحده في ركن في المسجد،
في المسجد؟‼️
أولاً عشان مايبقاش حاطه بين أربع حيطان
ثانياً عشان يشوف الناس وهي داخلة وهي خارجة ويأتنس بيهم وعشان يخالط المسلمين ويشوف المسلمين عايشين إزاي،
ثم مر النبي عليه فقال: "يا ثمامة ما تراني أصنع بك"،
تفتكر أعمل فيك إيه بعد ما قتلت من أصحابي‼️
قال: "إن تقتلني تقتل ذو دم"، أنا فعلاً عليا دم ليكم يبقى ليك حق، "وإن تعفوا وتنعم تنعم على شاكر" هتلاقيني أشكرهالك،
"وإن تريد مالا أعطيت لك ما تشاء من الأموال فأنا غني"
فتركه النبي وانصرف..
، ثم عاد إليه في اليوم التالي..... قال: "يا ثمامة ما تراني أصنع بك"،
فقال: "إن تقتلني تقتل ذو دم وإن تنعم تنعم على شاكر وإن تشاء مال أعطيتك من أموالي ما تشاء"
فتركه النبي وانصرف،
ثم عاد إليه في اليوم الثالث فقال:
يا ثمامة ما تراني أصنع بك، فسكت.. آه خلاص، سكت ليه؟‼️
إتكسر ولكن لم يصل للاهانه،
فقال النبي صلى الله عليه وسلم
اطلقوا ثمامة،
ركزوا معي أطلقه إمتى.. ‼️تركه يوم واتنين وتلاتة لغاية ما التعليم ولغاية ما الأدب جاب وضعه معاه ولكن لم يصل للإهانة..
لأ، زي ما سيدنا يوسف عمل مع إخواته.. لغاية ما قالوله وتصدق علينا..
إحنا خلاص ضعنا،
قال: لا تثريب عليكم اليوم.
يعني نفهم من كده ايه‼️
يعني لازم تعاقب المخطأ بس لاتصل للحظة الإهانة..
الإهانة لأ،
كأن النبي بيعلمك أنا لا ههين عكرمة ولا ههين ثمامة،
والنتيجة
أول ما النبي قال أطلقوا ثمامة وقام وأخد الفرس خارج المدِيّنة، وأول ما طلع برة المدِيّنة دور على مكان نزل فيه،.... وغير هدومه واغتسل .....وقام داخل تاني المسجد وقال أشهد أن لا إله إلا الله وأن محمد رسول الله،
مارضيش يقولها أول ما أطلقوه... عشان الاعتزاز بالنفس،
يعني أنا خدت القرار بمزاجي...... زي بلقيس لما قالت وأسلمت مع سليمان لأنها عزيزة،
إوعى تهين نفسك والنبي بيعلمك كدة ويقولك كدة ويقولك (من تتبع عورات الناس تتبع الله عورته ولو بعد حين) إوعى تتبع عورات الناس لتفضحهم ....إوعى تهنهم..... إوعى تدور إزاي تفضحهم.... هيهينك ربنا ويفضحك في بيتك،
ركزتم معايا
النبي صلى الله عليه وسلم بيتعامل مع الناس إزاي علشان يحافظ عليهم.
طيب في لسة نقطة فاضلة، نقطة إيه؟ ‼️
إوعى تهين نفسك،
إوعى تذل نفسك للناس عشان فلوس عشان منصب، إوعى تهين نفسك تعمل ذنب أو معصية،
إوعى تهين نفسك تشرب خمر تدمن مخدرات،
إوعى تهين نفسك تسرق،
إوعى تهين نفسك تخون،
إوعى تهين نفسك بالمعاصي والذنوب،
لكن في حاجة تانية إوعى تهين نفسك بإنك تذل نفسك، شوفوا حديث النبي –صلى الله عليه وسلم- ( من تضعضع لغني لغناه فقد ذهب ثلث دِيّنه )
كلمة تضعضع ده..
خلي بالكم
الناس اللي بتطبل وبتذمر
الناس اللي بتقول أحلام سعادتك أوامر
و .. و .. و.. الناس اللي بتنافق
( من تضعضع لغني لغناه فقد ذهب ثلث دِيّنه ) لأن ثلث دِيّنك كرامتك، لأن ثلث دِيّنك عزتك، لأن إنت من غير عزة أسفل سافلين،
شفتوا الفكرة ديه..
يا احبه مهما كنتم محتاجين،
ده ربنا بيقول على الفقراء.. الفقراء المعتزين بأنفسهم [... يَحْسَبُهُمُ الجَاهِلُ أَغْنِيَاءَ مِنَ التَّعَفُّفِ...] {البقرة:273}،
إوعى تكون فقير ...والفقر مشكلة.. فتبقى فقير وبتهين نفسك،
يبقى في أسوأ من كدة؟‼️
إوعى تهين نفسك إوعى تذل نفسك،
ده ربنا من أسماؤه الحسنى العزيز
عارفين يعني إيه العزيز؟ ‼️
(الذي يأبى الذل لعباده) لأنهم عباد العزيز.. عباد العزيز ما ينفعش يكونوا مهانين،
إوعى تذل نفسك لصاحب منصب شوفوا النبي – صلى الله عليه وسلم- يقولكم إيه (اطلبوا الحوائج بعزة الأنفس فإن الأمور تجري بالمقادير)
لما تطلب (حاجة إطلبها بعزة نفس
مش معنى كدة إنك ما تطلبش.. لأ ..قول أنا ليا طلب ومن فضلك ممكن تقضيلي المهمة الفلانية.... وتطلبها بأدب ...وبأخلاق وبذوق
وأرجوك لو سمحت،
بس إوعى تهين نفسك إوعى تحطها في التراب وإنت عبد العزيز.. العزيز سبحانه وتعالى،
شوفوا سيدنا علي بن أبي طالب بيقولكم إيه..
كلمة جميلة، ( والله والله لكنس الجزيرة بريشتين.. ) تخيلوا‼️ ( والله والله لكنس الجزيرة بريشتين ونقل جبلين ثقيلين أهون عندي من ذل نفس للئيم ) إنك تذل نفسك لواحد لئيم..
يعني خلاصة درس اليوم
إوعى تهين نفسك بالمعاصي والذنوب
وإوعى تذل نفسك عشان تطلب حاجة إنت عايزها،
إنت مكرم إنت عزيز والله هتعيش سعيد،
عارفين واحد فقير لكن عزيز.. سعيد،
وواحد غني لكن بيذل نفسه للي أغنى منه.. ذليل،
طيب أعمل إيه كمان عشان ماهنش نفسي؟ ‼️
1،التوبة.. تبت يا رب من الذنب الفلاني،
والله هتعيش سعيد وولادك ياكلوا من حلال يقول الرسول –صلى الله عليه وسلم- (كل لحم نبت من حرام فالنار أولى به)
وترجعلك سعادتك وعزة نفسك وكرامتك.
2. استر الناس عشان ربنا يسترك،
3. اياك ان تجاهر بالمعصية ، يعني إستر نفسك
|
|
|
 |