منتديات مسك الغلا | al2la.com - عرض مشاركة واحدة

**عطاء دائم** · 07-04-22, 07:30 AM

طريق_السعداء

الدرس رقم 27

الرضا

حياتنا مليئة بالهموم والاوجاع والمصائب والاحزان ..
وكمان احيانا مملؤة بامنيات وأطماع ممكن نموت وملنحقش نحققها.....
ولان احنا في دروسنا ديه .. هدفنا الرئيسي ازاي تعيش سعيد .. ‼️
اليوم مع مفتاح جديد وجميل جداً للسعادة في حياتنا ...... اليوم الكلام عن الرضـا.

هل انت راضى ؟‼️

هل انت راضى اليوم عن حالك ؟‼️

هل انت راضى عن حياتك ؟‼️

هل انت راضى عن الله ؟‼️

للاسف للاسف .. أحد أسباب التعاسة في حياتنا المعاصرة هو غياب كلمة مكونة من 3... حروف الرضا

محدش راضي عن حاله .. حياة الناس مليئة بالأزمات .. الأزمات في حياتنا كثيرة لا تتركنا ابدا ..
لا نكاد نخرج من أزمة إلا ونجد أنفسنا نواجه أزمة جديدة لها معالم جديدة وبالتالي وجع جديد ..

لكن يبقى هذا السؤال .. هل انت راضي ؟؟‼️
هل أنت راضي عن حالك ..
هل أنت راضي عن حياتك ..
هل أنت راضي عن الله ..

الغني مش راضي والفقير مش راضي ..

اللي اتجوزت وخلفت عيال كثير تعبانة ومش راضية ..

واللي محرومة من العيال تعبانة ومش راضية ..

اللي مش لاقي شغل تعبان ....واللي مطحون في الشغل ليل ونهار مش راضي ..

اللي زوجته ست طيبة وهمها ولادها مش راضي
عايزها تشاركه اهتمامته ..
واللي زوجته خطوة بخطوة مشاركه ايضا مش راضي وبيقول أنها خانقاه.

الوزير مش راضي والغفير مش راضي ..

اللي جاله عقد عمل للشغل بره بلده مش راضي في الغربة نفسه يرجع ..
واللي في بلده مش عارف يخرج برضه مش راضي ..

المشهور مش راضى والمغمور مش راضى ..

البنت اللي اتاخر جوازها مش راضيه .. والبنت اللي بيتقدم لها كل شاب وترفضه علشان مش عاجبها برضه مش راضية ..

هل أنت راضي عن ربك واختيارته لك ...

هل انت راضي عن زوجتك .. عن بيتك .. عن شغلك .. عن سيارتك .. عن كليتك .. عن تخصصك .. عن مكان سكنك ..
في ناس حتى مش راضية عن شكلها اللي ربنا خلقها به ..
في ناس مش راضية عن عيلتها .. عن أبوها وامها .. عن وضعها الاجتماعي ..

من الاخر كده .. هل أنت راضي ...
الرضا سعادة وطمانينة وهدوء نفسي ، والسخط غل ومرارة وتعاسة ورؤية مظلمة للحياة ..

يقول ابن القيم:
الرضا باب الله الأعظم ومستراح العابدين وجنة الدنيا ..