يا مساء الفؤح والعافية

تدرون اني اشتقت لكم والا ما تدرون؟؟
عندي ذا اليومين تدوينات كثيرة ودي أكتبها بس الوقت ما يسمح

ببدأ من قبل يومين ،، وصل ياعيني أخوي بعد ٦ أيام سفر،، على قد ما كنا فرحان بجيته ومشتاقين له على قد ما كنا شفقانين عليه من تعب السفر ..

وبما إنه منبهنا وملزم علينا من قبل لا يسافر انه طول فترة إقامته عندنا ما يبي يشوف خلقة الباذنجان لأن طباخ السكن الجامعي كل يوم يأكلهم باذنجان لين طلع من أذانيهم ،،

كان لزاما علي إني أسوي عكس كلامه وأستقبله بالباذنجان >> هرمون النذالة يرتفع عندي بقوة مع الناس الي أحبهم وأحب أسوي عكس الي يقولونه

وقطعت باذنجان ورتبته في صحن وحطيت بعد في الوسط شمعة وكتبت له على ورقة أدري إني وحشتك

كنت أفكر إني أغطيه بكريمه وأسويه على هيئة جاتو وما يكتشف إنه باذنجان إلا بعد ما يقطعه بس فكرت إنه حرام بعدين ينرمي مع الكريمة ،، لو هو لوحده عادي أسوي فيه مسقعة ثاني يوم

المهم يوم دخل وبعد السلام والأحضان غطيت عيونه واقوله في مفاجأة وطبعا الأطفال الأشرار معاي وأول ما فتح عيونه يناقزون ويقولون له عيد باذنجان سعيييييد ههههههههههههههههههههههههههههههه