07-10-22, 03:32 AM
|
#1 |
| | | | | | | | | | | | | | | | | | | | | | | | | | | | | 
حزين العيد ,,
حزين العيد ,, إي والله
.
حزين العيد من حزني عليك وحزن أهدابك
ومن دمعه جرت بالرغم من إنك مكبلها
أنا أدري تظهر القوة تبين عكس ما صابك
وأنا دمعي كسر صبري وحتى الأرض بللها
عرفت إنك قوي الباس وتقدر تمسك أعصابك
وتهتم بخواطرنا ونفسك فينا مشغلها
جميل بكل حالاتك وغالي عند أصحابك
وأنا روحي فدى روحك ورب البيت أبذلها
يا أطيب قلب في الدنيا ونادر جدا إغضابك
ومهما شفت من هالناس بطيبتك اتَّحملها
عيوبك عندنا صفحك عن اللي كان يغتابك
وأكثر كلمة نسمعها " عسى ربي يحللها "
غريبة كيف لك أعداء وأنته أبيض كتابك
وسيرتك العظيمة ما أظن إنسان يجهلها
عزيز وعندنا غالي وفخر لكل أحبابك
وسامحني على التقصير صفاتك كيف أوصلها
سُهيل |
|
|
التعديل الأخير تم بواسطة *** سُهيل *** ; 07-10-22 الساعة 03:45 AM
 |