07-11-22, 07:20 AM
|
#35 |
| | | | | | | | | | | | | | | | | | الهوايه » القراءة بشكل عام وكتابة بعض الخواطر | | | | | | | | 
طريق_السعداء
الدرس_رقم_ 31
اليسر_والسماحة
ناس كتير نفسها تكون سعيدة .. بس هى مش عارفة اية الحاجات اللى لو عملتها تعيش سعيدة..
بس هابدأ معاكم درس النهارده بسؤال
هل انت شخصية مرنة⁉️ – سهلة ام معقدة ⁉️– ميسرة ام معقدة ..⁉️
انتم عارفين دية كلها مصدر اساسى جوة قلوبكم للسعادة او التعاسة .
شعار درس النهارده حديث النبي صلى الله عليه وسلم
" المؤمن هين لين سهل " ⁉️
.. وحديث عن عبد الله بن مسعود عن رسول الله صلى الله عليه وسلم
(( ألا أخبركم بمن يحرم على النار ، وبمن تحرم عليه النار ؟ ‼️
تحرم على كل قريب هين لين سهل )) الترمذي
درس اليوم هاناخد فيه 3 محاور
1- انت مرن ولا جامد ⁉️
2- ميسر على نفسك وعلى الناس ولا معقد متشدد فى التعامل مع الناس .⁉️
3- التيسير فى الدين ⁉️.
1⃣المحور الاول :- انت مرن ولا جامد .
ما معنى شخصية سهلة ... ؟؟؟
سهلة مش معناها مش معناها سطحية او ضعيفة او .....
يعني مش سيئة الظن
مش متشدده فى التعامل مع الناس " الزوجه _الزوج – التجارة " .
مش مبالغه فى الحساسيه فى تفسير تصرفات الناس( يقلق او يغضب او ياخذ موقف من الناس لاى تصرف يفسرة غلط او حتى يكبر الموضوع اكبر من حده .
مش خائفة دئماً ان الناس تنتقدها
مش متشدده فى الدين يصعب على نفسه وعلى الناس
بيعدي اخطاء الناس مش بيعمل من الحبه قبه
استقصاء‼️
هل انت شخصية سهلة ام معقدة ام متشدده ياترى تاخد كام من عشرة ؟‼️
هل لما بتدخل بيتك ولادك وزوجتك يفرحوا لما تيجى ولا يتكهرب البيت ؟ ‼️
ياترى بيفرحوا لما تسافر وتبعد ولا دايما نفسهم تكون معاهم ؟‼️
هل تسئ الظن بالناس وتتوقع منهم الشر والسوء والخيانة ؟‼️
هل دائماً خجل قلق على منظرك امام الناس ؟‼️
انتم عارفين يعنى ايه عكس الشخصية السهله ⁉️
عكس الشخصية السهلة 10شخصيات
معقد – متشدد – سئ الظن – يميل للتعسير والتضيق على نفسه وعلى الناس – متنطع - متصيد لاخطاء الناس - مبالغ فى الحساسية ....
ياه كل دول عكس كلمة سهل
" كن مرناً" تنازل عن الفرعيات من اجل كسب الاخرين والتآلف معه .
بشئ من التنازل تتجنب كثيراً من الصراع والخصومة …
بشئ من التنازل يقل عدد كبير من حالات الطلاق لعدم استعداد اى طرف عن التنازل عن جزء من اختياراته ..
كن مرناً وتنازل من اجل الا تخسر الاخر
- فى الحديبية : " قال النبي صلى الله عليه وسلم اكتب يا على:
بسم الله الرحمن الرحيم.
فقال سهيل بن عمرو مندوب قريش معترضا: اكتب ما نعرفه من قبل، اكتب باسمك اللهم.
فقال النبي: امحها يا على، واكتب باسمك اللهم،
وقال النبي اكتب هذا ما عاهد عليه رسول الله
فاعترض مندوب قريش قائلاً: من قال أنك رسول الله؟‼️ لو نعلم أنك رسول الله لما حاربناك،
اكتب اسمك واسم أبيك.
فقال: نعم والله إني لرسول الله وإن كذبتموني امحها يا على،
فقال على: والله لا أمحوها أبدا،
فقال النبي: أرنيها يا علي، فأشار على علي العبارة، فمحاها النبي بأصابعه" .
التنازل مش ضعف بالعكس صفة الواثق القوي
- حتى فى الدين :-
قاعدة يجوز ترك بعض الفروع من اجل تأليف قلب المخالف .
– احمد بن حنبل وترك البسلمة جهراً الا فى المدينه لان اهلها يجهرون بالبسملة
- الشافعى وتغير فقه فى مسجد ابو حنيفة ...
الإمام الشافعي صلى في مسجد الإمام أبي حنيفة مرة صلاة الصبح ولم يقنت والقنوت سنة مؤكدة عنده لما انتهى قالوا له أنسيت يا إمام أنسيت القنوت أم غيرت مذهبك‼️
قال :"لا هذا ولا ذاك ولكن احتراماً لصاحب هذا المسجد" يعني للإمام أبي حنيفة
لأن الإمام أبي حنيفة كان لا يرى القنوت في الفجر.
الجمود ضيق حتى لو على حاجه صح بس فرعية
ياعم فوت....عدي..... تسعد ..
هناك بيوت اتهدت على تقفيل دماغ على حاجات هاينة وتسألهم بعدها بعد ما الاولاد بكوا لهدم البيت .... انتم اختلفتم على ايه ..‼️
يقول لك والله ما فاكر .. ‼️
حاجه تافهه الشيطان وسوس لي
خليك مرن ...
فوت ..
تنازل شوية ..
الجمود احياناً سببه الكبر ... عن عبد الله بن مسعود عن رسول الله ((لا يدخل الجنة من كان في قلبه مثقال ذرة من كبر .)) مسلم
وقال شيخ الإسلام ابن تيمية :
صنَّف رجل كتاباً في الاختلاف،
فقال الإمام أحمد لا تسمِّه (كتاب الاختلاف)، ولكن سمّه كتاب السعة )) مجموع الفتاوى
عايز تعيش سعيد وتسعد من حولك ..
كن مرنا سهلاً ..(( المؤمن هين لين سهل )) ..
قال رسول الله صلى الله عليه وسلم:
((المؤمن يأْلَف ويُؤْلَف، ولا خير فيمن لا يأْلَف ولا يُؤْلَف)) (صححه الشيخ الألباني |
|
|
 |