أنا متخيل صورة وهيئة للناس اللي جالسين يشاركون ويكتبون في القسم الأدبي :
يعني متخيل القسم الأدبي اني داخل مكان واسع فيه طاولات وكراسي والإضاءة خفيفة ..يعني كأني داخل كوفي مدري كفي مدري مقهى ..ما أعرف اسمه مزبوط ..
المهم أتخيل بعض الرجال بدون شنب ودقن ( لحية ) ....والشعر مخليه على ورا ...وحاط رجل على رجل ..وإذا لابس نظارة تلقى لون إطارها لون ذهبي أو إطار أسود عريض ...والكرفتة أغلبهم مايلبس ..وإذا كان لابس ثوب تلقاه يغطي رجله اللي رافعها فوق.. يغطيها بالثوب ..والشماغ سادله على اكتوفه ...والعقال عريض من الصوف ..والشنب عريض.. أو بدون شنب بس حالقه بمكينة على رقم ( نص ) ...يعني مشوكة تشويك خفيف ...
والحريم اللي يشاركون في القسم الأدبي أتخيلهن جالسات وحاطات رجل على رجل.. والكعب من قدام على شكل دبوس ..
والشال على نص الراس ..والشعر مفروق مع النص ...وبعضهن بدون شال... ومقصوص الشعر كاريه .. أو طويل مسدول على ظهرها واكتوفها ...وعيونهن مفتوحة للنص فقط ...
وإذا بتلفت يمين ولا يسار عشان تشوف حاجة معينة أو بتكلم مع اللي جنبها ..فقط تحرك سواد عيونها بدون ماتلف راسها .. ...
وضحكهم ( الحريم والرجال ) فقط ابتسامة خفيفة سريعة ثم ترجع البراطم زي ماكانت ..
المهم حقين الأدبي أتخيل أنهم مايحبون المجالس العامة بشكل عام ...
اما نظرتهم لغيرهم ..يعني اللي مش داخل في دائرتهم ...ينظرون لهم انهم سطحيين في أفكارهم وتفكيرهم ...
مممممممم بس هذا اللي أتخيله عن وضعهم في القسم الأدبي ...
....