07-13-22, 06:40 AM
|
#39 |
| | | | | | | | | | | | | | | | | | الهوايه » القراءة بشكل عام وكتابة بعض الخواطر | | | | | | | | 
طريق_السعداء
الدرس_رقم_ 35
تابع ...... اعفو_عمن_ظلمك
فاكرين يااحبابنا الكرام إحنا عدينا على كام مجموعة للسعادة الى الآن؟‼️
أول مجموعة اخدناها ابدأ بداية صحيحة، واتكلمنا عن الإخلاص.... وعن كن طموحا.... وعن النفس المطمئنة..
وبعدين المجموعة التانية مين فاكر معانا اخدنا ايه ؟ ‼️
اسمها إسعد من حولك
وبعدين اتكلمنا على المجموعة التالتة واتكلمنا عن موانع السعادة... وقلنا إوعى من القلق وإوعى من الغضب والحقد والحسد والكراهية.
المجموعة اللي إحنا فيها حاليا إسمها قلب كبير.. صافي نقي.. قلب كبير يعني إيه.‼️
قولنا يرضى..... الرضا....
واتكلمنا عن التيسير وانك تكون شخص سهل لين
ودرس اليوم عن العفو
مسامح الناس؟ ‼️‼️
علاقتها ايه بالسعادة؟‼️
انت شايل أثقال على قلبك إسمها الغل والثأر.
شوف الحديث دا (كنا جلوسا مع رسول الله صلى الله عليه وسلم فقال : يطلع الآن عليكم رجل من أهل الجنة) تخيل لما النبي صلى الله عليه وسلم يقول كده.. حتشوفوا دلوقتي واحد داخل من أهل الجنة..
متخيل بأه الصمت وكل العيون تعلقت بالباب.. فإذا برجل داخل..راجل عادي....، عبد الله بن عمرو تبعه وقاله ممكن تضيفني ثلالث أيام.. فبعد التلات أيام مش لاقي حاجة فسأله .النبي قال عليك انت من أهل الجنة.. يعني أنا شايف أدامي واحد دلوقتي دا من أهل الجنة.. انت بتعمل إيه زيادة؟‼️
فقال له أنا مابعملش حاجة زيادة غير حاجة واحدة بس..
(لا أجد في نفسي لأحد من المسلمين غشا ولا أحسد أحدا على خير أعطاه الله إياه) المنذري.
في ناس عندها .. قلب كبير.. قلب نقي.. قلب صافي زي السما الصافية .. تبات وانت مش زعلان من أي حد من الناس كلها.
سامح.. يعني اعفو وسامح.. سامح اللي ظلمك.. سامح االي أذوك.. سامحي اللي اتكلمو عليك..
معلش.. سامح ....سامح.
وخصوصا للي حصل في الماضي ولسه شايله
هي اتكلمت على بنتِك وخلااص وزعلتي وبنتك اتجوزت خلاص..
واتكلمت على بنتك وفشلت جوازة بنتك ....والدنيا لفت.. وبنتك اتجوزت
خلاص.. سامحي بأه. سامح اللي ظلموك.. .. سامح على الماضي.
لو عايز تاخد حقك خده لكن لو قدرت اعف،
والحاجة التانية: الماضي.. إعف.. سامح..
سامح شريكك اللي في الشغل، كل واحد راح في حاله وربنا فتح عليه وعليك
.. سامح. سامحي زوجك غلط غلطة وعدت والدنيا لفت وانت لسه شايلة؟‼️
سامحي
لو طلقت سامح وانت بتطلق.. سامح.. سامح،
إذا ماكونتوش عرفتو تنجحو في جوازكو انجحوا في طلاقكو.. [... فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ...] {البقرة:229}..
سامح وانت بتطلق عشان ولادك.
سامح اللي ماتو..
لسه شايل لغايت دلوقتي؟‼️
لسه جوه قلبك غل من اللي ماتو؟‼️
ما ماتو خلاص..
سامح.. سامح وانسى دول ماتو.. ماتو.. مهما أساءوا إليك.. ماتفضلش شايل كده..
بلاش الغل يبقى ماليك كده..
ماتو خلاص ماتو اطلب لهم الرحمة..
سامح ولادك.. ده وانت صغير عملت زيهم واكتر..
دا ابنك دا اللي انت بهدلته انت وانت أده عملت زيه.. سامح.
سامح بنتك لو غلطت زمان.. هي يمكن إتجوزت وانت ماكنتش راضي عن الجوازه،
والأيام عدت وبقى عندها ولاد ..
خلاص كانت غلطانه.
. بس ده بأى ماضي.. ممكن تسامحها؟ ‼️
اياك تحرم نفسك من حضن أحفادك اللي همه أحلى حاجة في الدنيا،
وبنتك هي مالهاش إلا حضنك.. .. سامح.
سامحو يا جماعة سامحو. سامحو..
الفكرة دي جميلة قوي.. (يطلع الآن عليكم رجل من أهل الجنة)..
(لا أجد في نفسي لأحد من المسلمين غشا ولا أحسد أحدا على خير أعطاه الله إياه).
سامحي زوجك .... سامح زوجتك
عشان أحلى الجوازات اللي قايمة على التسامح وان كل واحد بيفوت وبيسامح التاني،
كلمة بيفوت دي كلمة مش وحشة دي كلمة جميلة.. جميلة فيها عفو وفيها تسامح. انت كده الوقتي ‼️
انت قلبك كده؟‼️
سامح أبوك وأمك لو كبروا في السن وبقوا عصبيين أوي وبيغلطو في حقك كتير أوي..
سامح.. ده هم عشان كبرو في السن ربنا بيقول (إما يبلغن ...فلا تقل لهما أف)
عارف العلاقة إيه؟ ‼️
لما بيكبروا بيغلطوا..
سامح وإوعى تقول حتى أف،
تلاقي سيدات بتقول أنا عصبية على أمي عشان هي لما كبرت بتغلط فيا ..
دا هو ربنا في الوقت دا بالذات لما يبلغوا الكبر...... سامح
عايز تعرف قيمة التسامح إيه.. قيمة العفو إيه؟ ‼️
عايز تعرف لو عفيت عن الناس..
أولا قلنا الجنة،
ثانيا بص الآية الجميلة دي [... فَمَنْ عَفَا وَأَصْلَحَ فَأَجْرُهُ عَلَى اللهِ... ] {الشُّورى:40}.
يعني إيه أجره على الله؟‼️
[... فَأَجْرُهُ عَلَى اللهِ... ]
اجره على الله يعني حيديك أجرك...... حيرجعلك حقك وزيادة،
[... فَأَجْرُهُ عَلَى اللهِ... ] ديه معناها كبير جدا ، يعني ضمن لك حقك.. حقك عندي..
تخيل لما واحد كبير يقولك خلاص سيبه وحقك عندي.. فتقول خلاص طالما حقي عند فلان يبقى خدته فما بالك رب العالمين بيقولك: [... فَمَنْ عَفَا وَأَصْلَحَ فَأَجْرُهُ عَلَى اللهِ... ] حقك عندي مش اترمى في البحر..
وبكرة ان شاء الله اكمل لكم من اللي نفسه كبيرة ومن اللي نفسه صغيرة
|
|
|
 |