منتديات مسك الغلا | al2la.com - عرض مشاركة واحدة

**عطاء دائم** · 07-17-22, 07:29 AM

طريق_السعداء

الدرس_رقم_ 40

الصبر

فيه ناس حزانى كتير فى هذة الدنيا .. وليهم اسباب ..بس الحزانى نوعين ..
حزانى وهم عارفين انهم حزانى ليه؟‼️ .

و فيه ناس تانية حزانى شباب وبنات سيدات ورجال.. بس هما مش عارفين ليه‼️
.. عندهم أعراض حزن .. .

لما بتصحى من النوم الصبح .
- اول ما بتفتح عينيك وانت فى السرير ..ماهى مشاعرك ؟ ‼️
هل تشعر بأنك نشيط مقبل على الدنيا ....‼️
..... مستعد تعطى ابتسامات وفرحة على من حولك .‼️
- أم ضيق والم‼️ ونفسك أى خبر سعيد يخرجك على الصبح من حزنك ويزيل همك وغمك .‼️

- ترن وتكلم ناس ياترى ؟‼️صوتك فى التليفون كلة دعم وامل أم يأس وحزن ‼️..
- لما تقابل الناس‼️ كلامك عن اشياء جميلة ايجابية ولا انت حزين تشع الحزن على نفسك وعلى من حولك ؟‼️

- بالليل لما بتدخل سريرك لتنام وتضع رأسك على مخدتك ..ادعية ووضوء والمعوذتين والاخلاص ..وتنتظر غد مشرق وبمنتهى السرعة تروح عينيك فى النوم العميق ؟‼️
- و لا أرق وجوارك موبيلك ..مش عارف تنام الا بذنب تشوفه او تسمعه‼️

- هل تشعر بالرضا عن حياتك ام لاتجد رضا ولا سعادة .. ‼️
هل أنت حزين .. هل أنت مكتئب وانت مش عارف ان دية أعراض أكتئاب ؟‼️

- فى الحقيقة أنت حزين اومكتئب لأحد 3اسباب ..
مصيبة فى حياتك
– مش عارف تنجح طاعه لربنا ،
اوفى حياتك العملية – خطأ أو ذنب او معصية منغصة عليك عيشتك ومش عارف تسيبها ؟

في الافلام القديمة أبيض وأسود البطل لما يواجه كارثة اومصيبة وتظهر علية علامات الاكتئاب يذهب للبار ويشرب خمر ...
لكن المؤمنين لا
بيتجهوا لربنا على طول

كيف يمدنا الايمان بوسيلة للتعامل مع الاحزان .. هاقولكم وصفة نبوية ..
نور للتعامل مع الاحزان ...

نور اسمة الصبر ..

أحياناً كثيرة يسألنى أحدكم سؤال ..
نفسى انجح واكون الاول بس فية معوقات كثيرة أقول له اصبر وكمل ..

اريد تجنب معصية شديدة...... أصبر وقاوم ..

عندى مصيبة رهيبة موت او مرض...... اصبر واستعن بالله .

أحدهم لاتعجبهم الاجابة ...... لانة يظن ان الصبر ده كلام نظري مش عملى .. لعدم ادراكة يعنى اية صبر .

لذلك درس اليوم للحزانى .. أصحاب المصائب
– اللى عايز ينجح فى حياتة
– اللى عايز يقاوم معصية اوخطأ ..
كل دول بديل الاكتئاب .. الصبر .. العمل

الصبر 3 انواع ..
صبر عن المعاصى والذنوب
– صبر على الطاعة .....وصبر على النجاح فى الحياة حتى ينجح
– صبر على الاقدار والمصائب .. حتى يقوى عليها .. من استكمل الـ 3 فقد استكمل الصبر.

اولا عايز تعرف ازاى الصبر يصلح للـ 3حاجات دول وازاى معاه يزول حزنك واكتئابك .

3حاجات ..
1- الفرق بين الصبور وغير الصبور
زى المثال ده ... زجاجة بلاستيكية وكرة مطاط ..تحت الضغط فى الـ3 حاجات ..
لو ضغطنا بأيدينا نفس الضغط على كليهما ..
ماذا يحدث لكل منهما .... ‼️

كن صبوراً تسعد

1- زجاجة بلاستيكية تبوظ وتنكسر
اما الكرة المطاط فتستجيب للضغط ثم تعود بعد الضغط كما كانت تماماً .. هذا هو الفرق بين الشخص الصبور وغير الصبور .

مين السعيد هنا ؟‼️
انت الشخصية البلاستيكية ام كرة المطاط ....‼️

2. الانتظار والصبر جزء من الحياة ..
انتظار موسم المطر لتزرع
– انتظار عودة الاحباب
– انتظار النهار
– انتظار الجنة ..
انتظار النبي صلى الله عليه وسلم لفتور الوحى 16شهر
الانتظار يؤكد صحة الرغبة ..

اصبر على نفسك اولاً .. .
هو ده الانتظار...... صفة الصياد الماهر.....
والطباخة الشاطرة ..
الزمن جزء من العلاج .
انتظار على الشباب حتى ينضج
لا الضغط المستمر..... .. تبوظ وتفسد الطبخة النفسية .

يعنى مش كل الانتظار غلط احياناً مفيد

3- مرض فقد الصبر .....عكس قوانين الكون .. اصبر .. الانتظار مش عيب .. لاتعارض قانون الكون .
- الشمس لاترتفع الى كبد السماء فجأة بل تمكث ساعات

- الزرع لاينبت ساعة البذر بل يمكث شهورا

- خلق السموات والارض فى 6ايام .

لاتنعزل عن الطبيعة كل فاكهة ولها موسم وكذلك التغيير ...... خروج الثمر له وقتها

كيف اعارض قوانين الكون ..
لماتستعجل الاشياء قبل اوانها ...
علشان تحصل على كتاكيت لازم تترك البيض حتى يتنفس مش انك تكسرة لتخرجها بنفسك والا يبقى الفرخة اكثر صبراً منك .

الانتظار جزء من الحياة .

- افرح بفكرة (( لايكلف الله نفساً الا وسعها )) البقرة .. كذلك وسع الصبر ..
عن سعد بن ابى وقاص ((قلت يا رسول الله أي الناس أشد بلاء قال الأنبياء ثم الأمثل فالأمثل ؛ يبتلى الرجل على حسب دينه ، فإن كان في دينه صلبا اشتد بلاؤه ، وإن كان في دينه رقة ابتلي على قدر دينه ، فما يبرح البلاء بالعبد حتى يتركه يمشي على الأرض وما عليه خطيئة )) الترمذى ..

اذاً انت تقدر والله اعلم بك من نفسك .. اصبر

- لذلك دعاء القرآن (( ربنا افرغ علينا صبراً وثبت اقدامنا ))

احيانا هذة المصيبة طريقك للفردوس الاعلى .. موت الابناء & .

- المشكلة فى سرعة الحياة الان .. بص للدنيا بشكل مختلف
اثر ذلك على عدم تحمل احد للاخر ..
العلاقات الزوجية – بلاصبر –نهايتها طلاق .

عارفين كلمة العشرة يعني ايه‼️.. يعني صبر

واللي مابتتحمل الاطفال هانلاقي منها ايه
خوف – صراخ

وشوفو الخناقات بسبب عدم تحمل اخطاء الاخرين رغم اننا نخطأ اكثر منهم .

اهدأ اصبر ..
السرعة والعجلة والتهور ضد السعادة ..
نتيجته بيت اتخرب .. اولادك لايحبوك – خسرت اصحابك – خسرت شغلك ..تعيس ...
كل ده بسبب عدم الصبر ... .

.. تحمل اصبر .. اصبر على كبار السن (( اما يبلغن عندك الكبر احداهما اوكلاهما فلا تقل لهما اف ولا تنهرهما ))
لان قد تصدر منهم فعلا اشياء .. ...صبيان ..
اصبر .

كل يوم الصبح .. هو امتحان لصبرك ..
تصبر تكسب حاجة
– تستعجل تخسر حاجة ...
ساب شغلة لانه لم يصبر على التعب عايز مكسب سريع .

- كلنا فى السواقة نريد السيارة اللى ورانا تكون صبورة علينا ..
لكننا فكرة ان السيارة اللى قدامنا تريدنا ان نكون صبورين عليها ..
كلنا يكرة كلكس السيارة اللى وراة

- ((واستعينوا بالصبر والصلاة )) استعينوا على صعوبات الحياة بالصبر والصلاة ..
ازاى يعنى ‼️ ..
عند المصائب – الصبر بيفتح فى روحك ويكبرها حتى تصغر المصيبة
مثال خنجر تعرزه فى هذة الكرتونة .. ياة تخيل لو الكرتونة دية قلب انسان .. مؤلم .. لكن لو كبرنا حجم الكرتونة – اكبر – كمان اكبر – اكبر يتحرك الخنجر مثله مثل خلة السنان ..
هوده فعل الصبر فى النفس .. يغذى روحك ويكبرها حتى تصغر المصيبة .

- ازرع الامل فى حقل الصبر تثمر هدوء وراحة بل سعادة لكن لو زرعت الامل فى حقل الغضب تثمر الم اشد .

- ابدأ رحلتك مع الصبر من رحلة السعادة .

5- اصبر واهدأ لان بعد 100سنة كل شئ حيتساوى

- المرور .. زحمة ..
اصبر وقول لنفسك .... لا...ده اهدا مكان ممكن اذكر ربنا .. احفظ القرآن – اسمع شئ مفيد .

- ايوب .. كم صبر.‼️
-.. الرياضة صبر ..... صحتك لها اثر على مزاجك ..

ثواب الصبر

{واصبروا إن الله مع الصابرين} [الأنفال: 46].

{ولنجزين الذين صبروا أجرهم بأحسن ما كانوا يعملون}[النحل: 96].

(( وبشر الصابرين )) الله يبشرك

(( ان الله مع الصابرين ) (( ان الله يحب الصابرين ))

((إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ" الزمر 10 ))
ثبت عينك على الثواب ..