رحت الخميس لمنطقة قريبة من المدينة اسمها الرايس
ساحليه واجواءها كانت جدا حلوة
ولكن ماكنت ادري* عن هذي وعن اللي جاي
بالمدينة على المغرب تقريبا كانت امطار وهوى قوي
على الساعة ١٢ بالليل بدت البروق حوالينا
على وحده اللي معاي قالوا بنمشي
قلت بصلي الوتر ونمشي
اجواء وبروق*
طبعا انا طالع نهاية الشاطئ بمسافة
بعيد عن قلب منطقة الرايس حول ٨ كيلوا
بعيد عن الانارة
بين كل سيارة وسيارة مية متر تقريبا
العالم مستكنه
فجأة لاحظت الناس تقريبا كلهم راحوا
احنا وجهنا على البحر
والعاصفة جاتنا من يسارنا
وبديت اصلي* وفجأة يافلاااان* يافلاااان
وعيالي بدوا ينادون
حسيت انه فيه شي خطر من ناحية الاجواء
على ماسلمت*
ويهب هوى
وبسرعة لميت كم غرض*
ابغا افقع
حدي ديورت.. الا الدنيا طلمس
غبار وهوى قوي وامطااااار
ولوحدي
الرؤية تقريبا متر
عااااصفة
صوت الرعد يفجر
القلب
وعيالي كلهم مركزين
يابابا البرميل
يابابا صبه
حدي بس لمست الطريق الممهد
وعلى مهلي اوقف وامشي الين ماوصلت عند الخط اللي فيه انوار
وقفت عند فندق
وقابلني واحد*
قلي الحمد لله على السلامة
يقول اللي ظربتك ترى دوامة احنا شفناها مع نور البروق متجهه وشردنا
الغبار شي عادي
لكن الهوى* سبحان الله اول مرة* اشوفه بهذي القوة
المحلات اللي فيها **** كلهم يقولون* ماتشتغل
كهرباء الفندق تشتغل وتطفي
استمرت بعدين الامطار الين بعد الفجر
مع صواعق رعدية عمري في حياتي ماسمعتها
صوت سبحان الله يرعبك غصب
ولكن
الصبح جات اجواء
ع كيف ماودك
الغروب
طبعا فيه مقاطع فيديوا بعد ماوصلت للانوار وهدت الامور
بس سبحان الله صوتي ماني مرتاحله عجزت استوعبه وانا اسمعه