صدر الشارع ينزف ظلّك
وانت تغني لـ ابسط ناسه

معذور النور ان ما دلّك
لانك اعظم من احساسه

لا تهجر صبرك لو ملّك
ابذر صوتك في وسواسه

عطر الذكرى فز وتلّك
شبّ بـ ملح العين انفاسه

يتمثّل روح ويحتلّك
يغريك بـ رقة نسناسه

صبّ المشهد لين ابتلّك
وصبحت معتّق في كاسه

يسقيك الماضي ويضلّك
وتهيم بـ دقة أجراسه

صاح بـ اذنك تذكر خلّك
يرمي جرحك غصن لـ فاسه

تصرخ ناسي .. ناسي كلّك
تلعن شارعك و خناسه

لين الشارع غص بظلّك
وانت تحاول تعرف ناسه