سؤال كتير عم بخطر عبالي هلأ انتَ كشب ازا عرفت انه اختك بتحكي مع شب شو بكون تصرفك ما بدي مثاليات انما جواب حقيقي هالسؤال من سنين ببالي وهو انه فرضاً فلان من الشباب بحب بنت ومش انه عم بتسلى فيها مثلاً وهالبنت محترمة ومن عيلة محترمة يعني نستبعد احتمال انه الشب لا مبالي ومش فارق معه بنات الناس ونستبعد برضو احتمال انه البنت مش مؤدبة وهي اللي سامحة بالغلط (ملاحظة: انا صاحبة البوست بعرف كتير منيح انه هالنوع من العلاقات حرام اصلا الحمدلله والله يبعدها عنا بس كان لازم اضرب هالمثال لأوصل فكرتي واوصل لنتيجة) بيوم من الايام هالشب نفسه عرف عن اخته انها بتحكي مع شب هل انت كشب بتحس بمنطقية مثلا انك تاخد موقف حازم وتمنع اختك من التواصل مع هداك الشب علماً انه انت عم تحكي مع اخت واحد شب برضو؟؟! ومتل ما خفت عأختك في شب بخاف عالبنت اللي بتحكي معها؟ يعني مو عارفة كيف افهمكم سؤالي هلأ مثلاً ما بتقيسوا الموضوع عحالكم سؤالي من باب الفضول انه جد بشو بتفكروا بهيك مواضيع مثلاً ياريت تجاوبوا بإحترام