انا دايما او بمعني ادق الاغلب بفتح المدونه اخر اليوم
تكون طاقتي اذا ويك اند راحت بين شغل البيت والطبخ والتنظيف ورعاية الاولاد
واذا ايام الاسبوع مع الدوام
ضد تواجد العامله المنزليه
ما ابغا مساعدتها
لانها حتسرق مني اجمل اللحظات مع اولادي و زوجي
وحتاخذ حيز من حياتي الاسريه انا اولى فيه
والاطفالديساعدو كلا حسب سنه و قدرته
وفي طبع اذا مسكت شغل البيت من دون ما اشغل اي شي اسمع له
اجلس اسمع ل افكار داخليه
ف لي يومين بفكر كيف اطور من نفسي
في اقسام نفسي ادخلها واشتغل واتعلم طريقتهم
في اضافات عمليه نفسي اضيفها ل سيرتي الذاتيه
لكن عدوى الوحيد هو الخوف
اخاف
اخاف
اخاف يطفشو مني
اخاف اكون بطيئة في تعلم
اخاف احط ساعتين اضافيه اتعلم فيها علي قسم جديد
في متدربه علمتني علي كتاب مختبرات اسمه مونيكا كتاب مشهور ومرجع قوي
تحلف البنت هيا لغتها الانجليزيه ممتازه تقول والله يا استاذه انا قبل ما ابداء معاكم في اي قسم استعد من هذا الكتاب اول وفعلا البنت ماشاء الله بتجي لي قسم مستعده
ماشاء الله تبارك الله ربي يحفظها
وهذه هيا فعلا طريقة التعلم الصح
هيا عارفه انها وصلت لسن الناس مو مجبره تعطيها العلم بالملعقه كأنها طالبة مدرسه
ومصادر التعلم في كل مكان
بس المهم يكون من اولوياتنا انه نخصص وقت للتعلم
في اليومين اللى فاتو
قلت خلاص ل متي حفضل كسلانه ولا كملت خططي واهدافي واحلامي
مأجلتها علشان ابغا اشتري لاب توب وطابعه
هههه شوفو الحجح لان انا ما احب اذاكر من جوال
ماعلينا كلام فاضي في ناس ذاكرت علي ضو شمعه
وكمان طلع في منصه تطويريه لنا
وقدمنا عليها انا وصديقتي
وبأذن الله عز وجل ما تنتهي سنة 1444 الا وانا مكتسبه خبرات جديده