مراحب يا أمل
من غير مثاليات ..
مافي وحدة ترضى زوجها
تكون في حياته امرأة سواء بالحلال
والحرام ..
كلها هلاك لقلب الزوجة ومشاعرها
قريبتك
ما تحب زوجها ..
أيوة
ما تحب سلطان زمانه ..
يمكن هو مقتدر مادياً وخايفة يأثر على مصروفها أو مصروف أطفالها ..
أو خايفة يكسر صورتها قدام الناس
أن زوجها تزوج عليها عشان نقص
مع أنو مو كل رجال يتزوج تكون الاولى
فيها نقص والثانية متكاملة
احيان العكس
هي تشوف الخيانة في الظلام الرجال يكون
مرعوب وخايف من زوجته وممكن
من الخوف يلبي طلباتها ويهديها هدايا
عشان محد يكفشه
لكن الزواج بثانية
وجود اقتسام وفي النهار وبالحلال
محد يقدر بكلمه ورافع رأسه .
ولو في اطفال او ميلان
تصبح في الهامش.
خذيها مني
الزواج افضل من الخيانة
مو تضامن مع الرجال
أول شي الخيانة
لها مجريات من كلام إلى لقاء
ووقع الشخص في الكبائر
والمحرمات
السبب الثاني
خلينا نرجع
لقيس وليلى
لو قيس تزوج ليلى
هل كان هائم في الصحاري ؟
لو شاف الوجه الاخر ، شوشتها
عصبيتها ، حملها وولادتها
هل حيقول خذوا عيني وانظروا بها
الخيانة بين رجل وامرأة
تعني حياة خيالية مثالية
يشوفها جميلة أنيقة ، والشيطان يزينها
والعكس
لكن الزواج بها يقتل تلك اللذة
لذة الوصول إليها .. والتكامل
وكثير ازواج يرجع لزوجته الاولى
لأن ضبابية الحلم انقشعت
الطلاق في حالة الزواج له أسبابه
ممكن حسرة للرجل ،
زيادة مسؤوليات لو في أطفال
وممكن موت المشاعر ..
المهم تذكرت
وحدة من قرايبي
زوجها المغلوب على أمره تزوج
طلبت الطلاق
وفي ليلة مافيها قمر أخذت عيالها
يمكن سبعة ما شاء الله أو أكثر ما افتكر
وقالت خذهم وربي يسهل لك
الزوجة الثانية
شافت المصيبة اللي معاها
قالت له باي وطلقها
ورجع للأولى هههههههه