بلاش تجادل حد
وبلاش تشيل من حد
امش بين الناس بالمسامحة والموافقة
اجبر خواطر الكل ما استطعت
أي نعم الناس وحشة والأغلبية مش بيستاهلوا ولو كنت مكانهم مش هيساعدوك..
وبعد ما تديهم مش هيعترفوا بحقك وهيفتكروا إنك مقصر وإن دا واجب عليك ..
اعمل لله لو ناوي تعمل ولو عملت هتسعد دنيا وآخرة واعمل حسب طاقتك ومتنساش مقامك وطاقتك وإن حوصلتك لا تسع الجميع ..
فبحسب مقامك اعمل وأحب الأعمال أدومها..اعمل اللي تقدر تداوم عليه واللي متقدرش تساعده اعتذر له بلطف وقدم له الكلمة الطيبة
ربنا مش هيسيبك ولا هيخلي أي حاجة عملتها ابتغاء وجهه تضيع في الدنيا ولا في الآخرة
واللي متقدرش تساعده متضروش
وبلاش تخذل الناس عن المساعدة
وأوعى تفتش ورا حد ..
وأوعى تعتمد على حد ولا تسأل حد أو تخاف من حد