صباح الخير مرة تانية « مش فاكر قلت قبل كدا ولا لأ»
المهم حابب أحكي لكم عن حاجة لطيفة يعني وكدا

في مرة كنت بقدّم لشغل في مؤسسة علميّة في الكويت، وأخدت رقم الواتس للتواصل، المهم أنا بدّلت رقم مكان رقم
فظهر لي حساب لشخص هندي (أغلب الظن ممكن من بنجلادش كدا مش بعرف أميّز الجنسيات من الصور) هي أسرة مكونة من 4 أفراد (الأب والأم، وطفلين - بنت وولد)
المهم أنا احتفظت بالرقم لغاية دلوقتي
عشان كل شوية أتفرج على الصور الرمزية للحساب

بيتصورا صورهم كلها هما الـ 4 دايما الأب والأم والطفلين ، بأوضاع مختلفة ومبهجة، مفيش صورة مش حلوة


الموقف التاني/
كان معي برضه رقم كويتي متسجل عندي لواحد أعرفه، المهم الرقم تقريبًا حد تاني أخده، الراجل التاني دا له مذهب عقدي مختلف
واضح يعني هههه
المهم بيكتب عبارات في تعريف الحساب حلوة قوي وأنا بحفظها عندي مع إني مختلف عنه في المذهب العقدي، بس هي حاجات لطيفة وحلوة
وبتعرف بيها على ثقافة مختلفة وشعور إيماني مختلف وجديد

التجربة مثيرة وجميلة جدا