قال: من امعايا
قلت :اللي امعاك
عقاب قلب سميته زمان غلاك
متغير عليه اليوم اللي امعاك

اللي زمان تركته
واللي من ايدك بالخطا ودرته
واللي رخيص بسعر نازل بعته
وهو بسوم عالي يا عزيز شراك
اللي تحت لوطه للوطا نزلته
وهو فوق النجوم العاليه رقاك
نسيت الغلا بعته خلاص وهنته
اللي كان ما يحمل ايعيش بلاك
اللي امعاه ياما من طريق رسمته
شن غيرك بالله عن مبداك

ينشد عليك ايرن ما عبرته
كنك عليش وكيف شن قساك
نسيت الغلا رقمه خلاص حذفته


ينساك من باله خلاص جبرته
وكي ما نسيته إن شاء الله ينساك
اساع يدفنك كي ما زمان دفنته
وكي ما محيته ايديرها ويمحاك

اللي امعاك
عقاب قلب سميته زمان غلاك
متغير عليه اليوم اللي امعاك

متغير عليه نسيته
اللي كان غالي وصاحبك سميته
ياما وعودك ف الغرام عطيته
ننسى جميع الناس ما ننساك
بروحه ايعاني ف الوجع خليته
وهو غصب عنا يومها خلاك

وانت اللي رقمه خلاص محيته
مازلت طامع به ايكون احذاك
كبير الجرح ما ايفيد لو داويته
بالله ابتعد عنا وخوذ دواك ..