الا ياعيون مولـع القلـب لاتبكيـن
لاتبكين وتشوف العرب دمعك اليا سال
اليا جيت في جمع العرب هودي تكفين
ترا دمعة الرجال تحسب على الرجـال
وانا مابقى لي في حياتي سوا ثنتيـن
وقاري مع اهل العرف ومزاحم الأبطال
فلا تنثرين الدمع فالمجتمـع ياعيـن
وتضحك بي الجهال وتعلـم العقـال
وهم مادروا باللي ملكني ثمان سنيـن
ولا مرّهم مامر كبدي مـن الأهـوال
فريد الجمال اللي ركز فالحشا رمحين
جرحني وقفى مانشدني وش الأحوال
تناحت به صدوف الليالي مع المنحين
ولازيد جاله علم والبعد دونـه حـال
وانا حالتي ماغيـر تنهيـده وبيتيـن
اخفف بها الألام والحال مامـن حـال
وجودي على ساعة تلاقي ماغير ثنين
تربع بها كبد المولـع بعـد لمّحـال