إذا سكرت الباب اسكره نهائي ماعاد افتحه... ولا التفت
الناس توقع منها كل شيء ....

المهم أتذكر مره قرأت جمله قعدت بين عيوني لفترة طويله لما أكل لما اشرب لما انام كانت ملازمه ليا في كل وقت واكرر فيها في دماغي كانت جدا متعبه ليا هذه الجمله زي لما يتلبس الجن انسان ومايخليه في حاله كانت هذه الجمله متعبه ليا من كثر ماتتبعني في يومي...
بعد فتره خلاص تحررت من هذه الجمله وصارت شيء عادي جدا جدا جدا .....والحمد والشكر لله
.
.
.
.
.
.
.
.
.
.
.
.
.


دارن اضــراب عيوني
علي شــان ناسي في الغـلا خانوني..
واخطيت في الغلا

قـالـت العيــن انســاهم
وقالت تركته مانبيه غلاهم..
وقالت الخونه كي انعيش معاهم..
غواليك حرقوا بالجفا مكنوني..

وقالت معاي الحق وانت فاهم..
جفوني وباعوا وبالخطا كافوني..
وقالت عيوني كنت نا نهواهم..
لكن هواهم خاب فيه اضنوني..

وقالت الباب اللي ايجيب شقاهم..
اناا انسكره ويرتاح منهم كوني...
وقالت العين اللي كبير خطاهم..
داروا غوالي وفي الغلا نسيوني..

خسارة الحب اللي زمان معاهم..
ماتقول كنا احباب لا عرفوني..
وقالت العين امسح حروف اسماهم..
اللي قبل درته في اطراف اجفوني..

وقالت انساهم ماتضيع وراهم..
مجبور تنساهم اسباب اجنوني..
ونا قلت ياعيوني الله عطاهم..
عدوا لغواليهم ونا خطيوني..