لا تجرحين القلب والقلب . مجروح
قبلك جرحني واحد .. .. ما دريبي
راح وتركني منسدح باخر .. السوح
صويب العشق وعزي للي . صويبي
الذيب واقف ينتظر غيبة .. الضوح
ثم يواصل بالعواء ........ والقنيبي
يعزم عليه عزوته والعشى .... روح
روح تراوح بينهم ........ والحبيبي
لازلت اراجي رجعته قبل ... ذابوح
قبل يتعشى جثتي ...... بالشعيبي
وان خلى منها ذيبنا .. عظمة اللوح
ما غريبة ذيبنا .......... ما يثيب ي
الذيب ذيب وفعله بالطيب ممدوح
مير البلا ترف القدم .. ما يطيب ي
ما دامك تدري عندنا توأم ... الروح
ليه التغلي ما ترد ........ وتجيب ي
طال انتظاري واكتم البين . والنوح
اخشى عليكم من عدو . . مريب ي
انت الرجاء لا تمنع الهرج .. والبوح
لو هي رسالة لا تزيد ... النحيب ي

القارظ العنزي