الشاعر الجميل فهد عافت
شاعر مميز ومبدع
له قصيدة لوحة جميله حد الدهشة
نترككم مع الذائقة
واللي يقول ريا اخت سكينة
المهم زينت اللي براسي
قالت وش العلقم الترياق؟
ومحدٍ ضمادة سوى جرحه
كل اللقا لو نظرت فراق
وكل البكا من ورا فرحة
محدٍربح كود لما باق
محدٍ خسر كود من ربحه
مابه خلوق وعديم أخلاق
للكل نسبة من الصحة
يا شاعري والوهم حرّاق
أجدى من مصافحة ذبحه
خذها حقيقة من الاعماق
صدرك هو اللي طعن رمحه
مافي الكتابه جديد آفاق
كم تشبه الكسرة الفتحة
قلت اسمعيني صوتي تاق
يجمع لك الكل في شرحه
ان قلت بعض الفراق عناق
أو قلت بعض الكفن طرحه
لاني بكاذب ولا آفاق
لكنها النظرة السمحه
أكبر خطا اننا نشتاق
تعريف للبحر من ملحه
انتي اتبعيني..أنا أوراق
أو تهجريني..أنا صفحه
للشعر للحب للاشواق
لليل في داخله صبحه
بيني وبين القلم ميثاق
يهدّني..وأبني في صرحه
ذي راحتي وإسألي العشاق
العاشق كتابته مسحه
...
ليلة سعيدة لي اولاً
ثم لمن يريد ان ينام