الخوف صفة ملازمة لي ....
مثلًا أخاف من المضاربات.....لهذا السبب كنت مسالم وماكنت أتضارب مع عيال الحارة ولا غيرهم .....وإذا شفت واحد من العيال صاحب مشاكل فـ أمشّي أموري معه بالمسايسة والمحاباة ....وتصرفي هذا بسبب الخوف...
وبرضه بسبب الخوف ماتعلمت السباحة رغم ان كل اللي معي تعلموا السباحة ...فـ كنت ما اتجرأ أروح وسط الماء ....فقط جالس أتبطبط بـ ارجولي جنب الماء .. وإلى الآن ما أعرف أسبح .....
ومن الأشياء اللي كنت أخاف منها كثير ( الجن ) .....لما أسمع القصص أموت رعب منها ......
لكن انطبقت علي مقولة ( اللي يخاف من الجني يطلع له ) .......وفعلًا دارت الأيام وحسيت بوجود جن في بيت كنت ساكن فيه .......ومحد يصدق قد إيش الرعب اللي عشته في تلك الفترة اللي بقيت فيها في البيت ....
تقريبًا بقيت لمدة سنة ....لأن مضطر جدأ ..يعني ماعندي خيار ثاني ....فـ كنت أنام في الغرفة القريبة من باب البيت ...لوحدي ......عشان إذا حسيت بوجودهم أشرد من الباب ....
طبعًا كنت أشغل سورة البقرة جنب راسي إذا جيت أنام ...طول فترة بقائي في البيت ...
وبصراحة لو رجع بي الزمن مرة ثانية ماراح أجلس دقيقة وحدة ...ولكن إلى الآن مستغرب كيف جلست في البيت لمدة سنة تقريباً .....ومدري هل هو بسبب ظروفي ولا إيش ....
وبرضه أخاف من المستقبل لأن نظرتي لأمور الدنيا سوداوية بشكل لايصدق .....
وبسبب خوفي أصبحت أتوقع حصول أسوأ الأمور .....بدل التفاؤل ....
خلاصة كلامي :
الخوف صفة ملازمة لي ....وخاصة الخوف من المستقبل ....رغم اني عارف ان ما بيدنا حيلة .....
واللي يزيد الطين بلة حتى أموري الدينية تخوف ...مش ملتزم بها....
على فكرة أحس ان ( أمل ) لابسة بالطو أبيض.. ولابسة نظارة دائرية كبيرة ومعها دفتر وقلم وجالسة تستجوبني وأنا منسدح على السرير ...( عيادة نفسية )
طيب يا أمل أعطيني الوصفة الطبية بعد ما أنا فرطت السبحة وقلت كل الفضايح اللي عندي ..
........