خلوني اسولف لكم سالفة حسين بما اني مزكم وحاشر نفسي بالبيت


هذا حسين كان من دفعتنا بالجامعة وكان الولد الله يصلحه غثيث شوي

من اول الترم تلاحظ عليه هذا

المهم

كان معاي واحد من الشباب كان من تبوك الورد الله يذكره بالخير

اول اسبوع كان فيه مجال الواحد يغير ويعدل بجدوله

صادفت انا وحسين وخوينا هذا اللي من تبوك طلعنا بنفس المادة

طبعا اول ما صار من المواقف المميزة

سأل حسين الدكتور وكان يعطينا مادة تخصص


قال له المادة ستاندرد والا آفريج

ستاندرد يعني توزيع الدرجات حسب النسب العادية

والافريج يعني متوسط الحساب التوسط يعطونه سي c

المهم ان الدكتور زعل من سؤال حسين وقال له فورا احزف الكورس << يعني اذف الكورس كان الدكتور من جدة

حسين ثاني يوم ما شفناه وهذا طبيعي غير جدوله

لكن البلى ماهو هذا


البلى تسلط علي خوينا اللي من تبوك

كل ما بغاني افرط ضحك قال بصوت واطي احزف الكورس

عاد انا اتذكر السالفة وافرط ضحك ما اقدر امسك نفسي

طبعا سألني الدكتور كذا مرة وش فيك تضحك

صرت شبهه

مرة وحدة ما ضحكت لأني قطيت كلمة فيها دعابة كل اللي حولي يضحكون ولاحظهم الدكتور وانا بس اللي ساكت على غير العادة

طبعا شفت بنظرات الدتكور الا f يحلق بين رموشه

لين حذفت الترم كله وليتني منحاش ثاني يوم مع حسين