انا يوم شفتك بالعيون الوسيــــعه
تجاهلت طرف العين ما كنك شايف
اطيعك وغيرك حالف ما نطيعه
اروف بك ونت تقول ماني برايف
بعدها تبيني عقب ذيك القطيعه
تقوم القيامه ما رجعنا ولايــف
ترى الناس قالت من يبيعك تبيعه
ولا ترجي المقفي ليا صار عايف
انا هامتي من فضل ربي رفيعه
ونظرات عيني فالجبال النوايف
ولا هي تصنع غير طبع وطبيعه
ولا نلحق النفس العزيزه حسايف
تدور الليالي والليالي سريعه
وما كتب لك تلقاه وسط الصحايف