قبل سنوات مضت من عمري بالمنتديات كنت شعلة من النشاط
مااخلي قسم ماادخله واناقش وارد على كل شارده ووارده
وعندي طولت بال وتحمل وخاصه قسم النقاش والاخباري
وخاصه اللي تخص القضايا الاجتماعيه اللي تخص المرأه وجيل الشباب
لكن الآن فقدت الشقف والدخول بالمناقشات ماتحمل خلاص
كل شيء له وقت وله طاقه لان احيانا بعض النقاشات تدخل فيها بمتاهات
وبعض النقاشات عقيمه وتسبب بعض العداوات او التحسس بين الاعضاء
خاصه انها تحدث من خلف شاشات ولا تعرف هالأشخاص من اي نوع هم من البشر ..
كنت زمان بمنتدى وفيه بقسم النقاش موضوع وكنا نرد ونعلق على الموضوع
وكان فيه واحد ردوده مره تجذب و عقلاني ونقول عنه حكيم ورزين ويالهُ من نابغه
بعد فتره عرفته طلع من الجماعه وزوجته بنت عم امي وبعيده عنه كل هالصفات السابقه
ياربي كيف من خلف الشاشات ننخدع بأشخاص لو نعرفهم على طبيعتهم
كان لجمناهم وسدينا افواههم وقلنا انتم آخر من يتكلم بالفضيله والحكمه
والعقل والاتزان انتم حثاله المجتمع وتخدعون البعض بكلماتكم البراقه
صدق المثل اللي يقول ماكل مايلمع ذهب
لكن احيانا يقولون اخذوا الحكمه من افواه المجانين

اهل قسم النقاش لاتزعلون انا قلت البعض
والبعض والنعم فيهم ونستفيد منهم ونتعلم

مايستفاد مما سبق لاتنخدعون بـ اشخاص خلف شاشه وكيبورد
مادري وش خلاني اكتب هذا الآن
المهم لاتشدونها حيل بالنقاشات وآخرتها يشطب على نكاتكم
على شيء مايسوى ولا راح تصلحون العالم