راح أفضفض شوية :
الاستيعاب عندي صفر ....وسرعة البديهة صفرين ...
أحيانًا يوم يقابلني واحد فجأة ويهجم علي بسؤال أو يدخلني في حوار أو نقاش في موضوع ما .....أجلس أخبص في الكلام يمين ويسار ....كلام مال أمه سنع ..
بمعنى آخر : فنون الأخذ والرد مع الآخرين ما أُتقن الحد الأدنى منها .....
أما الاستيعاب حكاية ثانية .....أحيانًا أكون مع مجموعة من الناس وإذا واحد قال قصة أو كلام ...أخليه يعيده مرة ثانية لأني مافهمت وش يقصد ...رغم ان اللي معي كلهم فاهمين كلامه ..
أو أحيانًا الواحد بيفهمني على حاجة معينة .....أقوله مافهمت ...وفي النهاية أقوله فهمت.. وأنا أصلًا مافهمت ....
حتى بعض المواضيع اللي في المنتدى ما أفهمها ..لكن أنتظر ردود الأعضاء على الموضوع..ثم من خلال ردود بعض الأعضاء أعرف وش المطلوب من الموضوع ...
وفيه بعض الأقسام ولا أفكر أعتب على بابها .... مثل الأقسام اللي خاصة بالخواطر والشعر والأشياء اللي فيها تكنولوجيا .. والعلمية وغيرها ...لأني ما أفهمها لو أجلس يومي كله ...وأحسها ثقيلة ...
بعضهم يقول ان كثرة القرآءة تنمي الفهم ..وبرضه تحسن أسلوب الشخص ...وبرضه يكتسب مصطلحات تساعده في الأخذ والرد مع الناس ...وغيره من القرآءة ..
لكن أنا القراءة أكرهها كره ما أقدر أوصفه .......مع العلم اني ما أقرأ كتب ولا عندي كتب أصلًا ...طبعًا عارف ان هذا الشي غلط في غلط ويدل عدم إدراك أهمية القراءة ..
ومن وجهة نظري : أعتقد أن القرآءة تنمي القدرات اللي يملكها الشخص ....ولكن ماتخليه يكتسب شي مش موجود فيه ... مثل الفهم والاستيعاب وسرعة البديهة ...
خلاصة كلامي :
لو سرعة البديهة والذكاء والفهم والاستيعاب ....تشترى ..راح أشتريها ....ومايعرف أهمية هذا الشي إلا اللي فاقده ...
.....