08-18-13, 01:26 PM
|
#1 |
| عزيز نفس وعزتي مالها حد | | | | | | | | | | | | | | | | | | | | | | | | | | | | | | | 
ماعاد يلزم بالمجالس معاميل
ياليل لاتسأل عن اهل التعاليل
في غيرها هذا الزمان اسهرونا ...!
أبل / هبل سحره عقول الرجاجيل
ومن نوكيا وايام عزه .. خذونا ..!
يكفي شعاره عن كثير التفاصيل
يشير بالقضمه .. لغلطة ابونا ..!
هم يزرعون ويقطفون المحاصيل
وحنا على ( ويش الجديد) اتركونا ..!
الليل يقضي بين حدّث / وتحميل
عن سلم جلسات الرجال احرفونا ..!
ماعاد يلزم بالمجالس معاميل
أهمها بالـ wi fi .. اشبكونا ..!
طرنا بعصر التقنيه والتهاويل
وباثنين من خمس الحواس احصرونا ..!
صارت سوالفنا بطرق المراسيل
رغم ٍ على انف احساسنا .. بلدونا ..!
باسم التواصل يقطعون المواصيل
وعلى مقاس عقولنا قسمونا ....!
الوات ماهو شي وتويتر حليل
الضيم باللي عقبهن غربلونا ...!!
ناس ٍ تجر اصواتها بالمواويل
وناس بترويج السماجه بلونا ..!!
برلنق و الدجه وكيك المهابيل
اظهر خبال عيالنا وافضحونا ..!!
الشاعر خلف المشعان العنزي |
|
|
|