،.
راقت لي كثيير وجداً
،.
تجلّى ما على دربك سراب ولا بدا تغبيش
صفت نية مواعيد الغرام وزانت احواله
أنا مستثقل وجودي لو اني في ضلوعك ريش!
وصلت ابعد مرابيع الوداد ونمت في جالة
أجيك وغايتي غاية عقيد في طلايع جيش
وآروح وشاعرك كاتب قصيد وجرّ موّاله
أنا اللي ما رضى يمشي شعورة سكّة التهميش
ترى من هام في وادي عيونك زاد بهباله
على مهلك على باب الضّلوع وطرفي بشويش
قبل ما يفزع الحلم الكبير وتفزع آماله
ضميري في مشاوير المحبة ، نقطة التفتيش
يا كم شاعر ٍ كتب شعرٍ عظيم وراح ما قاله
عفى الله عن مدى الغّي البعيد وذكريات الطّيش
ما دامك سلوة العمر الحزين وعافية باله ..!!
