،.
بصير العين في أحلامي ويديني بعدك قصار
عجزت اقطف لنا لقيا تخلي عينك ب عيني
وش احكيلك وانا ودي بعدك انسى وش اللي صار
وش احكيلك وانا كل ما قسيت اقول يا ليني
وحيد بلا شغف واقف يمروني بعدك كثار
ولا واحد قدر يطوي محبتك وينسّيني ..!
سهر والليل ما بنبش سوى الماضي إلين انهار
بكا لين الشعر يمسح على صدري ويحكيني
لأن الذّكريات اللي تواجهني طوال أعمار
قصر عمر الصّبر " عاجز " أواجهها وتشقيني
أعيشك في مدى حلمي أغاني تسبق الاشعار
وانا في واقعي صحراء جفاف ، وغيم جافيني
أحنّ لمنتصف ليلي ،، وليلي يوم قلبك بار
يمرّ صوتك على ضلوعي رِضا كل ما تحاكيني
أدور لي ضجيج اجرأ من سكوتي على الأسرار
يجدّفني قبل ل أغرق ،، إلين انه يرسّيني
مع إن اللي وقف بيني وبينك بالوداع ، امتار
تمنيّت العناق آخر محطّة ،، بينك وبيني ..!!