بالنسبة لمجتمعنا لابد الأب ياخذ ولده معه برا البيت ... يعني ياخذه لمجالس الرجال في المناسبات والزيارات وغيرها ...بشرط يكون مؤدب وغير عبثي في مجالس الآخرين ...لأن بعضهم يترك ولده براحته ومايقوله لاتسوي كذا ولا تفعل كذا إذا صدر منه غلط في المجلس ..وذلك بحجة انه راح يعقده وماراح يتعلم ولا يثق بنفسه ..!!
لا ياروح أمك ....الناس مش صابره على أذية ولدك بحجة انك تعلمه الرجولة في مجالسهم وبيوتهم ....
لا وبعد كمان بعض الرجال مسوي فيها انه ( الليث الأبيض ) لما أخذ ولده ( ورد ) للغابة وتركه فيها لوحده عشان يتعمل كيف يعتمد على نفسه ..وجلس يراقبه من بعيد لبعيد عشان يتدخل وقت اللزوم إذا تعرضت له الضباع وغيرها ...!!!
ياحبيبي لاتقارن نفسك بالليث الأبيض ... لأن لليث الأبيض أخذ ولده ( ورد ) للغابة وتركه فيها عشان يعلمه الشجاعة وفي نفس الوقت ماخلاه يبهذل الحيوانات في ****** ولا خلاه يجلس يقطع الأشجار والنبات وغيرها ... بـ عكسك أنت وولدك اللي مخاطينه يابسة على خده ...
وكله كوم والحريم كوم ثاني ...لما الوحده تروح زيارة لفلانة وعلانة ومعها ولدها ....تترك ولدها الكوالا الكيوت اللطيف يسرح ويمرح ويناقز فوق أثاث البيت بـ ارجوله ..ناهيك عن تكسير التحف وغيرها من البلاوي اللي ممكن تحصل بسبب لعب ولدها ...
وطبعًا هي شايفة شقاوة وأذية ولدها قدام عينها ولكن كأن الأمر مايعنيها ....وبرضه شايفه ان صاحبة البيت متضايقة من الشي هذا ...
خلاصة كلامي :
اللي بيعلم ولده الرجولة والجرأة ..يعلمه في البداية الأدب واحترام الآخرين قولاً وفعلًا ....وعدم العبث بـ ممتلكات الغير مع عدم الاقتراب منها ...
( المهم الأب لايترك ولده طول وقته في البيت ...لازم ياخذه معه برا البيت ... وزي ماقال البرنس ( هيراا ) ....
.........