.


*



انا ........ لو انّك تراوغني على ظلّي
خليتك براحتك ...... لو ماني بمُكرَه

لانّ الزمن ....... قادر إنّه يا بعد كلّي
يكشفْك ذلحين .. : ولّا يكشفك بكرَه

الله ولا الطعنه اللي من قفى ياللّي
عدّيتك اوفا من هجوسي على الفكرَه

طَعْنَتْك في ظهري اقسى عندي بغلّي
من ذنبٍ اجنيه وآنا انازع السّكْرَه

اقرب لك الموت من غدري ومن ذلّي
انا اعرف الرمح قبل ينوشني مَكرَه

ما اقول لا مت : قبل آموت يا مَن لِي
انا وانا ميّتٍ .... تستعطفوا شكرَه

لكن ..... قبل لا ارحل وقبل إنّك تطلّي
بقول بيتٍ .....: وكوني دوم مفتكرَه

انا الذي ..... تاقف الدنيا تحت ظلّي
وانا الذي .. يستقيم القاف من ذكرَه


عتيم ...!