هلا وغلا والله بالعاشق المتيم

الحين من جد حبيتها بس من مشاركاتها .. !!
ومافي بينكم أي حوارات خاصه شدتك وتبي ترتبط فيها وتتزوجها؟

يازينك .. وزين قلبك الجميل

هدي .. هدي.. شوي ياحبيب أخوك

اخاف تكلمها .. فتتلقى صدمه انت لا تريدها

لأن أحس صعب .. تجي عند وحده تتابعها في منتدى ومابينكم شي وتقول ابي اتزوجك!!

يمكن تحسبك واحد بيلعب عليها
يمكن هي مو متقبله ذي الفكره ابدا وتسمّعك كلام مش كويس
يمكن تطلع متزوجه وام عيال .. بس ما وضحت ذا في المنتدى
يمكن .. ويمكن .. ويمكن

ما هكذا تؤخذ الأمور

تكفى تأكد من قلبك .. هل هو حب أم مجرد اعجاب

طيب … انت ما شفتها صح ؟

ياحبيبي ..احنا (رجاله زي بعضينا ) ونعرف ان تقبل الشكل له نسبه كبيره عندنا
وانت ما شفتها ولا حتى حصل حديث جانبي بينكم

ومخك ترى حاليا مع ذا الإعجاب جالس يربط بين (المشاركات و الكلمات والحروف) ويخلق منها ( الشكل والجسم والملامح والصوت واللبس)

انتبه لذي النقطه تكفى

الشي الثاني ..
لنفرض ان كل الأمور مشت زي ما تبغى .. وكلمتها ووافقت

كيف راح ترتبط فيها وهي بدوله وانت بدوله؟

انت عندك اهل .. وهي عندها اهل

والزواج عقد شرعي يشترك فيه اهلك واهلها مش قراركم انتم فقط

اذا انت تقدر تضبط الوضع مع اهلك
فكيف سيكون الحال معها ومع اهلها؟

الشي الثالث ..
لنفرض ان هذا الزواج تم
لما ترتبط ببنت من دوله أخرى .. فراح تصتدم بأنظمه معينه تخص الزوجه الأجنبيه


الصراحه يا حبيب اخوك .. موضوعك معقد من البدايه إلى آخر نقطه فيه

ارجوا أن تستخير قبل أن تقدم على أي خطوه