يارجل فيه أحد بعقله يرمي نفسه على بنت بسبب كلام تكتبه على الشاشة .....لا وبعد كمان الكارثة انها من دولة ثانية ...!!..
لاتفكر في الزواج من أي بنت تعرفها عن طريق النت حتى لو كانت من نفس مدينتك .. وحتى لو صارحتها برغبتك بالزواج منها وهي وافقت ...
لأن ممكن عاداتها تختلف عنكم وممكن برضه مستواها المادي أكبر منك ..وغيره من الأمور اللي كل الناس عارفينها ...
وأصلًا من رأيي ان الزواج عن طريق النت مرفوض جملةً وتفصيلًا ...
والأهم من ذلك كله انك ماتدري كيف طريقة حياتها اللي هي عايشتها ...وبرضه ماتدري عن سلوك أهلها أبوها وأمها واخوانها ...
لأن بعضهم بمجرد ماتعجبه البنت يروح يخطبها بدون ماينظر لطريقة حياة أهلها وسلوكهم في حياتهم العامة والخاصة ...
فأنا من وجهة نظري ..الواحد ينظر لأهل البنت من جميح النواحي قبل مايخطبها ..... فما بالك بوحدة ماتعرف أهلها ولا هي ماتعرف عنها شي إلا بس كتاباتها على الشاشة ...!!
وثق تمام الثقة لو صارحتها برغبتك بالزواج منها راح تضحك منك وتتمسخر عليك ...وممكن تسمعك كلام مايرضيك ويخليك تمسح كل الصفات اللي أنت متخيلها في هذي الآدمية ....
وعلى فكرة أنا وغيري ماندعي المثالية ..وماندعي ان مافيه وحدة ماحبيناها بسبب كلامها على الشاشة ومدري إيش ...
بالعكس أحيانًا أكثرمن وحدة بسبب كتاباتها في المواضيع المطروحة في المنتدى ننحرف شوية ونحط صورة لها في مخيلتنا ثم تسيل سعابيلنا ( لُعابنا ) وتقلب عيوننا تفاح زي فلم كرتون ويطيح الحنك على الكمبيوتر ..
ولكن نمسك بريك ونوقف ثم نروح نغسل وجيهنا من مغسلة المطبخ عشان نصحصح ...
خلاصة كلامي :
لاتتزوج من أي وحدة في النت بسبب كتاباتها ....
البنات كثيرات برا النت ......بس جهز دراهمك وزبط حالك وأمورك تمشي ......
وخل عنك اللي تشوف في النت .............
.....