المهم وبعد ما قريت كم صفحه من القرآن .. قلت حان الآن وقت
القهوه وتصفح المواقع والقراءه
سويت لنفسي
كوب قهوه .. تشم ريحته وأنت من الشارع معدي
حطيت الكوب في
مكان ما
ثم ذهبت
لمكان ما
ثم عدت لآخذ
كوب القهوه … ولكني نسيت أين وضعت كوب القهوه
وأجلس يا جماعة الخير ..
أدوّر …
أدوّر…
أدوّر… لدرجة معد بقي إلا أفتح الدواليب حقت الملابس و أدوّر فيها
حرفياً الكوب اختفى ..
تعبت وأنا
أدوّر ثم جلست مستسلم .. وأخذت أفكر كم مره حصل معي ذا الموضوع
لقيت أني الفتره الأخيره بيتكرر معي ذا الشيء باستمرار
لدرجة اني اجلس ادور لمفتاح السياره .. وهو فيدي
المهم بعد أن فقدت الأمل في
كوب القهوه .. فجأه وإذ بي أجده أمامي …وقدام عيني على إحدى الطاولات في الصاله
ويحك أيها الكوب .. أين ذهب ؟
ولسان حال الكوب يقول لي …. والله بس حبيت ادوخك شوي وأختبر غلاتي عندك
المهم ..كذا أوووفر يارفاق ..أنا لازم اشوف حل لذي المشكله ..
وبس والله