الذكرى الرابعة لتسجيلي بهالمنتدى الرائع :-
قبل (3 سنين) من هلآ وبزبط بيوم الحادي عشر من شهر نوفمبر من سنه 2018
قررت أسجل بهيدا المنتدى الرائع بعد مادعوني لالو أخواتي الغاليات (عطر الندى وحنين النوارس) وبتذكر وقت فتت كان كل همي أفوت بأسمي وحط رمزيه ع السريع لشبيهتي الموديل الفارسيه (نهال سلطاني) لحتى يشوفوني ندى ونورس

وفتت قبل منتصف الليل بشوي بــــ أسم ( ❣ŢαŢμαŊα❣ ) ولما لقيت حالي موجوده بالمنتدى , رحت اشوف أسامي المتواجدين وع حظي شفت الغاليه نورس موجوده , ف رحت ع بروفايلها كان بدي أبلغها عبر الزوار او الخاص أني سجلت بالمنتدى وهيدي الجديده يلي حاطه صوره نهال هيا أنا !!

وأستغربت أنو مبقا فيي ابعتلا شي , لاحظت خانه التقييم تحت الصوره , رحت اعمللا تقييم كمان مامشي الحال , لأن بعد مشاركاتي ماوصلو ل2 , ف فكرت أروح لقسم موجود فيه نورس وأكتبلا بشي موضوع , وكتبت باحدى مواضيع الملتقى أني جديده بالمنتدى , وبعد شوي شفت النجمه الصفرا تبع التقييم ع طرف اليسار من أعلى , ولما دست عليه شفت مسج قصير مندون آسم عم يبارك تسجيلي
ويقول : اذا انتي تاتيانا أجمل ماخلق ربي سأرقص مواهات !!

ورجعت لقسم الملتقى وخبرتا بنفس الموضوع أنا فعلا تاتيانا ,, ونفس المسا طلو عزيزاتي (عطر الندى وقيثاره) ورحبو بتسجيلي في المنتدى ,, وشرحولي قصه التقييمات ولازم عدد مشاركاتي يوصلو لــــ 50 مشاركه يلا بقدر شوف إسامي الإعضاء يلي قيموني وإقدر ارد عليهن وابعتلن تقييم أنا كمان

وبعد 5 آيام فتحت مدونتي الجميله هيدي (�� تۜــرٱتــٻۧــڵ مـخمــڵــٻۧــۭـــۃ �� ) ونقيتلا آسم تراتيل مخمليه
لأنها عبارة عن مجموعة تراتيل ,, وبتشبهني لآبعد مدى وهيا نسخه مصغره من تاتيانا وبصمتي الخالده بالمنتدى

✍............................... تـــاتــيـــانــــــا



وبهيدي المناسبة الرائعة حابة أحتفل مع زوار تراتيلي المخملية وكل أصدقائي المقربين

وهلأ سوا رح نطفي شمعتي الرابعة بالغلا
وبتمنى يكون أيامي وأوقاتي الجاية كلها خير وفرح ونجاح ولألكم كمان