أكثر شي ما أدانيه
لما أشوف حد طول الوقت مركز على العيوب والأخطاء فقط
ويدقق وما يشوف الخير ف الناس
لدرجة لو حد فيه بذرة خير بيقضي عليها بسلبيته
وتفكيره السوداوي وما يعطيه أمل أنه ممكن يتغير

وطول الوقت يتبكبك وحزين وبائس ويحسسنا
أن الناس بتغرق والعالم بيغرق في السواد
بس أصلاً محد بيغرق غيره
ويحتاج فرقة إنقاذ تنقذه من السلبية اللي عايش فيها

يا إنسان يا مسلم لا تغتر بعملك وتقعد تصنف الناس على كيفك
هذا صالح وهذا مو صالح وهذا فيه خير وهذا مافيه خير

ترى محد بيدخل الجنة بعمله بندخلها برحمة الله
وما تدري مين اللي الله بيرحمه والعبرة ف النهاية
والله يحسن خاتمة الجميع

كبر عقلك وكون واعي وركز ع الجانب الحلو ف الحياة
عشان ما تجيب لنفسك الهم والغم

ترا كلنا بشر والكمال لله