اكيد طبعا

بس مش كله بالمعني السلبي الصريح ..
حسب اتجاهك وغرضك من وجودك..
في ناس اكتفت من الغلط أو الحركات صبيانية..
وناس لسا فضولها بيقودها لمجهول
وسايبه نفسها ليه...علي امل اوهامها تخليها تعيش
شوية لحظات تعوضها بؤس الواقع ..

وفي شكل تاني للسلبية دي
يعني مش معني أنك بتفقد جزء من عفويتك
أن قلبك اتلوث ... هو فقط بتبقي جاف مع الناس اكتر
لما تحاول تحكم علي نفسك بالصح ..
لأنك شفت غلط كتير ..
وبقيت تلقائيا بتبعد عنه كل ما تكبر وتنضج ..
ومع الوقت بتبعد عن الناس في المنتديات
وانت مش حاسس ..
لأنك بتفقد جزء من هويتك
اللي اتكونت في بداية دخولك المنتديات
وبالتالي الموضوع أصبح صعب في تعاملك مع الغير..
لأنك متخيل السيناريوهات كلها جاية منين وبتودي لفين
ففضولك شبعان ..
خاصة ان في منتديات كتيرة اتقفلت
اللي عرفتهم واختفوا اكتر بكتير
من أنك تفكر انك تتعرف علي ناس جديدة
فبتنغلق علي نفسك .. ومش حابب تختلط بحد .
ده بالنسبة للي هما متواجدين في المنتديات من فترة ..

هقولك حاجة والله
مثلا نجمة في ردودها فوق
والصورة اللي في خيالها
للاعضاء لو مثلا المنتدي بقا صوت وصورة ..
من خلال قراءتها لما يطرحوه وتفاعلهم في المنتدي ..

يعني مثلا مش عارف قصدها احمد أنا
ولا فيه شخص تاني اسمه احمد غيري ...

بس هعتبر مثلا لو بتتكلم عني
وشايفة اني شخص بنظارة
وبتكلم كلام مهم جدا طول اليوم

فالصورة دي مثلا ابعد ما يكون عني كواقع
او حتي كمنتديات في وقت ما ..

بس فعليا في الوقت الحالي
اللي يقرأ كلامي يشوفني جاف و جاد
بشكل ممل مع الوقت ..
لأن غالبا الوقت الوحيد اللي بكون جاد فيه حاليا
خارج الشغل هو المنتدي تقريبا ..


في الأول ممكن تتقبل كلامي
وتأخد الانطباع بتاعك عشان تعرف طبيعة البني ادم الجديد ده..
وبعد كدا مش هتهتم تتابع
ومش هتقرأ غير اول سطرين
تلاتة في الغالب من اللي بكتبهم ..
وتسيب الموضوع ..
لأن النمط بتاعي أصبح معروف ..
ومابقتش حابب اجدده ..
ولا ليا طاقة لده بفعل الحياة ..
يعني انا بعد يوم طويل من الشغل والجهد
هيكون ليا دماغ لإيه اني اغيره
في عالم افتراضي ..
ولا مثلا ههتم بانطباع مين عني مثلا
ولا هيفرق في ايه ..