ً
ً


من كلامك يتبين بانك
انسانه طيبه وعلى نياتك
وعندك قلب جداً عاطفي
ويظهر من كلامك بانك سريعة التاثر
ومو خطا حُبك ولا عيب
طالما كانت نيتك بالحلال
لكن هو وضح لك الحقيقه
وعدم رغبته في الزواج
وهذا انسان فيما يبدو صادق
وما خدعك وخلاك تعيشين الوهم

وخلاص تبينت امامك الحقيقة
واللي تشعرين فيه الان
ترا مو حب ولا شي
هو مجرد تعلق بالذكريات
ووهج عاطفه واحاسيس
وفقد حنان واحتضان
وفراغ ووحده

ويمكن باقي ما استوعبتي
خطورة الدخول في علاقات
مالها اول ولا تالي
لذلك باقي تعيشين الخيال
ويعزف لك الشوق لحن الذكريات
والكلمات الورديه والتناغم الروحي

واللي انصحك فيه
بان تتخيلي وتعيشي ما بعد هذا التعلق
بمعنى لو انك وافقتي تعيشي معاه
بمثل ما وده ‏.. تسلي وكلام فارغ
طيب وبعدين ايش ‏..!

هنا لازم تفهمين ذا الشي
يعني لو استمريتي معاه لمده معينه
وش النهايه ‏..! ولا شي

فقط راح يضيع عمرك بدون فايده
ومافي اي نتيجه ايجابيه
مجرد تفريغ مشاعر واشباع رغبه
وتسلية وقت وضياع على الفاضي

كوني واقعيه واقطعي حبال الخيال
وانتبهي لنفسك زين زين
لانك تفكرين بعاطفتك مو بعقلك
والعاطفه هلاك ويعقبها ندم
وما راح احد ينفعك او يتعاطف معاك
انتي الخاسره لوحدك فقط


ودامك تجرأتي وطرحتي مشكلتك
فهذا دليل وعي وتأنيب ضمير حي
ولانك في الاساس يمكن مو راضيه
عن الوضع اللي انتي فيه
ولكن عاطفتك تغلبك احياناً

لذلك قرري من الان بتر العلاقه
وعدم التفكير في اي شي
يربطك بالموضوع
عشان ما تتندمين فيما بعد


اسال الله ان يرزقك الزوج الصالح
اللي يسعدك وتسعدينه ‏.. اللهم أمين


ِ