كَيف تكون عندي كرامة و عزة نفس
لأن بأمانة كم من المرآت دست على
كرامتي وركضت ورى ناس ماتستحق
ومازلت وتخليت عن مبادئي ورغباتي
علشانهم احس ان ماراح احصل الافضل
ولايمكن احصل غيرهم وراهنه حياتي لهم
كل مايقولون شي اويامروني اسوي شي
ارد بالقبول والرضا حتى لو كنت ما ابي اسويه
ولو انهم طنشوني او انشغلوا عني اخترع اي
سالفه او حجه للسوالف معهم كل طرق اهانه
النفس وبسبب موقف ان احدى صديقاتي
ايام زمان تركتني وفضلت صديقه غيري
وكنت احاول اكسبها بس ماقدرت صارت
وياي عقدة لحد الآن ماصادقت احد وكل
ما احد يتقرب مني او اتقرب منه اتركه
وما أسال عنه حتى لو ما اذاني ابتعدت
عن الكل احس اني ظالمه وبايعه للعشرة
واترك الناس بدون سبب بسبب موقف
الطفولة وترك صديقتي لي لان هي اول
شخص عرفته ايام الدراسه للاسف
صرت اترك الي يبوني واتقرب من الي
مايبوني واهنت نفسي والان احس ان بنفجر خلاص
ما اقدر اكمل ابدا اريد يكون لي كرامه وما
ارخص من قدر نفسي واضح حدود شخصيه
اريد اكتسب هالصفات في تعاملي مع ذاتي
وتعاملي مع الناس لان طفشت واحس نفسي
بلا هوية وشخصيتي ضعيفه اريد مبادئ امشي
عليها اريد شخصية جديدة احلى و أقوى