حسيت من كلامك أنك طيبة بزيادة وتجاملين على حساب نفسك كثير
بس بعدين تتعبين وتعصبين وتصيرين عكس شخصيتك

وشكله هذا سبب المزاجية
قللي المجاملات واهتمي ف الناس لكن بدون مبالغة
خلي اهتمامك يكون عادي وبدون تعلق وأصلاً مو الكل يستحق اهتمامك
وزيدي اهتمامك بنفسك من كل النواحي

ترا لما تتعلقين ف الناس راح تتعبين كثير وبتصيرين ضعيفة
سواء صديقات أو أهل أو أقارب أو الناس الغريبين عنك
عقلي قلبك بالله فقط عشان تصيرين قوية ومستغنية عن الناس

وبعد اصبري وكوني راضية ومحسنة الظن بالله يعني لا تسخطين
الصبر زين والظروف الصعبة والمشاكل اختبار ل قوة صبرك وتحملك
وإيمانك وثقتك بالله

إنَّ عِظَمَ الجزاءِ مع عِظَمِ البلاءِ ؛ و إنَّ اللهَ تعالى إذا أحبَّ قومًا ابتلاهم ،
فمن رضيَ فله الرِّضَى ، و من سخِط فله السُّخطُ

إن شاء الله مستقبلك بيكون أجمل
بس أنتِ قولي الحمدلله على كل حال برضى

وأكثري من الصدقات والاستغفار والدعاء

وإن شاء الله كل شي راح يتحسن
وكل شي له حل

ولا تحسين باليأس إذا شفتي الناس سبقوك وصاروا ناجحين
يمكن تتأخرين وما تنجزين وتنجحين بسرعة
بس ف النهاية يكون حظك أحسن منهم كلهم


و لما تحسين كل شي صار ضدك
كرري هذا الدعاء بكل وقت
" اللهم إني مغلوب فانتصر "